Masalimo 82 - IBAYIBOLO 2024

U Chala we mulaghili usongo

Isalimo ilya Asafu.

¹ U Chala akulongozya palukomano lwache ulukulu, ali pakubalonga inongwa abachala.

² Akuti, “Nkimba mukwiza pakuleka liyi pakulongela ukusita ubwanaloli? Nukubabombela abantu ababibi umwakwennya icheni?

³ Mubimilaye abadedebazu na balanda, mulongelaye mubwanaloli inongwa izya bapina, sona na bakuyimba.

⁴ Mubatabule abadedebazu na bapotwe, mubapokaye munyobe izya bantu ababibi.

⁵ “Batakumanyapo nachimochimo sona bate na mahala naghamoghamo. Bakwendakwenda bulo muchisi, ulwalo lwachisu ichapasi lukuyingana.

⁶ “Po nkati, ‘Mwe bachala, sona mwebosi mwe bana aba Uwakumwanya Nkani.’

⁷ Loli mukwiza pakufwa ngati bantu bulo, mukwiza pakuwa ngati mumo umulaghili wesi akuwila.”

⁸ Wee Chala, vundumuka, chilongaye ichisu ichapasi, pakuti abantu aba inko zyosi yo mpyana yako.