Masalimo 70 - IBAYIBOLO 2024

Ulwiputo ulwakulaba ubwavwilizi

Kumulongozi uwa bwimbi. Isalimo ilya Devedi ichikumbusyo.

¹ Wee Chala, mpoka lubilolubilo. Wee Mwene, nyavwe lunulu.

² Babo bakulonda pakungogha bakoziwanje isoni nukuvulungana, sona bosi babo bakunyonywa pakunvulazya banyokele mwisinda nukusamuliwa.

³ Abantu babo bakunyobezya ukuti, “Eya, eya!” Bakoziwanje isoni nukunyokela mwisinda.

⁴ Loli bosi babo bakukulondelezya, basekelaye nukuhoboka pachifukwa icha wewe. Babo babughanite ubupoki bwako akabalilo kosi batinji, “U Chala akweziwanje.”

⁵ Wee Chala, loli ane ne mupina sona ne mupotwe, po zagha lubilolubilo unyavwe. Awe we mwavwilizi wane, sona we mutabuli wane, wee Mwene utakazyelaye.