Masalimo 43 - IBAYIBOLO 2024

Ulwiputo ulwa muntu yuyo ali muchisu icha buzya

(Ukwendelela ukwa Salimo ilya 42)

¹ Wee Chala, umpimaye pakuba ne muntu yuyo atanangitepo, unyimilaye panongwa yane na bantu babo batakumenye, sona umpokaye munyobe izya bantu abazimbuli na babibi.

² Pakuti awe we Chala yuyo we mpanda yane. Nkimba choni chicho wandeka nemwene? Nkimba choni chicho indilaye bo abalwani bane bakunjivya?

³ Tumagha ulukozyo lwako nu bwanaloli bwako, umwakuti vindongozyanje. Vileke vinfisye pighamba lyako izelu, bubo buzilo bwako ubwakwikalako.

⁴ Po nkwiza pakubuka pachighemo icha Chala, yuyo akumpanga ubuhobosu nukusekela. Po nkwiza pakulizya ichinanda pakukupala we Chala wane.

⁵ Wee muzimu wane, nkimba choni chicho uli ni chitima? Nkimba choni chicho mukasi mumwane mukutamiwa? Umulindililaye u Chala, pakuti nkwiza pakumupala, yuyo Mupoki wane sona nu Chala wane.