Masalimo 4 - IBAYIBOLO 2024

Ukulaba ubwavwilizi pabusiku

Kumulongozi uwa bwimbi. Pakubombezya ipango. Isalimo ilya Devedi.

¹ Wee Chala wane umugholosu unyamule bo nkukwitizya. Unyavwe nanti nkukomana na mayimba, sona umpelelaye ichisa nukulwivwa ulwiputo lwane.

² Mwee bantu, nkimba mukwiza pakunkozya isoni mupaka liyi? Nkimba choni chicho muvighanite vivyo vite ni mbombo, nukubabombela abachala abamyasi?

³ Muzimanye ukuti u Mwene isalila mwene abasubiliwa, sona akunyivwa bo nkumwitizya.

⁴ Mumunyilaye u Chala, sona mutakanangaye. Bo mulambalaye muvitala vyinyu, mwinong'onaye akiza, sona mubanje bulo myee.

⁵ Mubikaye ivyakwiyipa ivyenecho, sona mumusubilaye u Mwene.

⁶ Abinji bakulalusya bakutinji, “Nkimba wewenu yuyo angatubombela ubwiza?” Wee Mwene, icheni chako chitulamilaye.

⁷ Wizuzya umoyo wane nu buhobosu ubukulu nkani, ukubachila abantu babo bali ni ngano inyinji sona nu vinyo umupya umwinji nkani.

⁸ Nanti nalambalala nkughona mumutende, pakuti awe Mwene, wewe ukwiza pakumpela ukuti nikalaye umwakufwasa.