Masalimo 150 - IBAYIBOLO 2024

U Mwene apaliwanje

¹ U Mwene apaliwanje. Mumupalaye u Chala mubuzilo bwache ubuzelu, mumupalaye pachifukwa icha maka ghache amakulu nkani, bo ali mubuzilo bwache kumwanya.

² Mumupalaye pachifukwa icha mbombo zyache izyamaka, mubupalaye ubukulu bwache ubwakuchilapo.

³ Mumupalaye pakulizya amapati, sona mumupalaye pakulizya ivinanda na babatoni.

⁴ Mumupalaye pakulizya ivisekeseke nukumujinila, mumupalaye pakulizya utubombelo utwa mpote na malongi.

⁵ Mumupalaye pakumulizizya umalimba umunandi, mumupalaye pakumulizizya umalimba umukulu nkani.

⁶ Ichipeliwa chosi icha bumi chimupalaye u Mwene. U Mwene apaliwanje.