Masalimo 142 - IBAYIBOLO 2024

Ulwiputo ulwakulaba ubwavwilizi

Ukwinong'ona nkani isalimo ilya Devedi bo ali mumpako. Ulwiputo.

¹ Nkulila umwakukolomoka kwa Mwene, nkumulilila u Mwene ukuti ampelele ichisa.

² Nkubika amilumbusyo ghane pamaso papache, sona nkumubuzya intamyo zyane.

³ Nanti umuzimu wane wadedebala, awe akwiza pakumanya zizyo imbaghiye pakubomba. Po muzila zizyo nkwendamo, abantu bateghitemo ivipingo.

⁴ Nkwennya kundilo kwane, atalipo nayumoyumo uwakumpasikizya. Ubuzilo ubwakuti ningavwamamo nabumobumo sona atalipo nayumoyumo yuyo akubupasikizya ubumi bwane.

⁵ Wee Mwene, nkulilila kukwako nkuti, “Awe we buzilo bwane ubwakuvwamilamo sona we mpyana yane muchisu icha bantu abumi.”

⁶ Ivwa ukulila kwane, pakuti nkuyimba nkani. Mpoka munyobe izya bantu babo bakunchimbizya, pakuti bamaka nkani ukunchila.

⁷ Unsatule mujele, umwakuti indipalaye itabwa lyako. Abantu abagholosu bakwiza pakunfukatila, pachifukwa ichakuti wambombela ivintu ivyiza.