Masalimo 130 - IBAYIBOLO 2024

Ulwiputo ulwakulaba ubwavwilizi

Ulwimbo ulwakubukila ku Yelusalemu.

¹ Wee Mwene, bo indi muchiliba ichibizu, nkulila kukwako.

² Wee Mwene, ivwa ukulila kwane, amakutu ghako ghivwanje ukulila kwane ukuti umpelelaye ichisa.

³ Wee Mwene, nanti ukazibelengagha imbibi, nkimba wewenu yuyo angapona?

⁴ Loli awe ukuhobokela, cho chifukwa ukuchindikiwanga.

⁵ Nu moyo wane ghosi nkukulindilila wewe Mwene, sona ingasubiye amazyu ghako.

⁶ Umoyo wane ghukumulindilila u Mwene, ukuchila namumo abalindilili, bakubulindilila ubuche.

⁷ Wee Izilayeli, lindilila u Mwene, pakuti ulughano ulwa Mwene lutakupotwangapo nalumo, sona mumwache muli ubupoki ubwakufikapo.

⁸ Po akwiza pakumutabula u Izilayeli kumbibi zyache zyosi.