Masalimo 13 - IBAYIBOLO 2024

Ulwiputo pakabalilo akantamyo

Kumulongozi uwa bwimbi. Isalimo ilya Devedi.

¹ Wee Mwene nkimba ukwiza pakunduvya bwila, sona ukwiza pakunfisa icheni chako mupaka liyi?

² Nkimba nivwanje ububavu mumoyo mupaka liyi? Sona imbanje ni chitima mumoyo mupaka liyi? Nkimba abalwani bampotaye mupaka liyi?

³ Wee Mwene Chala wane, unyennyanje nukunyamula. Ughalamizye amaso ghane, pamo ningafwa.

⁴ Po abalwani bane bakwiza ukunena ukuti, “Twamupota,” sona abakumbenga bakwiza pakunsekela nanti nawa.

⁵ Loli nkulusubila ulughano lwako lulo lutakumalapo nalumo, umoyo wane ghukusekela pachifukwa icha bupoki bwako.

⁶ Nkwiza pakumwimbilagha u Mwene, pakuti ambombela inyiza.