Masalimo 127 - IBAYIBOLO 2024

Pakubupala ubwiza ubwa Chala

Ulwimbo ulwakubukila ku Yelusalemu. Isalimo ilya Solomoni.

¹ Nanti u Mwene atakuyizenga inyumba, kokuti abazengi bakuyimba bulo. Nanti u Mwene atakukalindilila akaya akakulu nkani, kokuti abalindilili bakuyimba bulo.

² Mukuyimba bulo pakulabila pandabindabi nukukaba pakughona. Ukuti muchaghe ichakulya, pakuti u Mwene akubapa abaghaniwa bache, ivyakusobelwa vyabo babo abaghanite.

³ Abana mpyana iyakufuma kwa Mwene, sona abizukulu gho muvwalo uwakufuma kukwache.

⁴ Ngati tulasilo munyobe izya musilikali umujivu, abana babo bakapapiwa bo uwise achili mulumendo.

⁵ Musayiwa umuntu yuyo ali ni chakubikilamo bo chizuye nutulasilo Batakwiza pakukoziwa isoni, bo akunenezannya na balwani bache pamulyango uwa kaya akakulu nkani.