Masalimo 126 - IBAYIBOLO 2024

Ukulaba ubupoki

Ulwimbo ulwakubukila ku Yelusalemu.

¹ Bo u Mwene atunyosezya sona mu Ziyoni, tukaba ngati po tukulota.

² Po tukaseka, sona tukalulutila nu buhobosu, Po abantu aba inko izinji bakati, “U Mwene ababombeye ivintu ivikulu nkani.”

³ U Mwene atubombela ivintu ivikulu nkani, po twahoboka nkani.

⁴ Wee Mwene, uvipelaye ivintu vyitu, ukuti vyendaye akiza sona, ngati po soko izya mu Negebu.

⁵ Babo bakupesa bo bakulila bakwinula, bakwiza pakwinula bo bakwimba inyimbo izya buhobosu.

⁶ Umuntu yuyo akalilagha bo akubuka, sona bo anyamuye imbeyu, akwiza pakubwela bo akusekela, sona bo anyamuye inkose izya mbeyu.