Masalimo 125 - IBAYIBOLO 2024

U Mwene akubavighililagha abantu bache

Ulwimbo ulwakubukila ku Yelusalemu.

¹ Babo bamusubiye u Mwene, bali ngati lighamba ilya Ziyoni, lilyo litangayingana, loli likubangako bwila na bwila.

² Ngati mumo amaghamba ghamuzyunguliye u Yelusalemu, umwakuyana bulo u Mwene abafukatiye abantu bache, ukwanda ilelo mupaka bwila na bwila.

³ Abantu ababibi batakwiza pakuchilaghila ichisu icha bantu abagholosu, pakuti lumo abantu abagholosu bala bangeghelela inkalo yabo imbibi.

⁴ Wee Mwene, ubabombelaye ubwiza, abantu babo bakubomba ubwiza, kokuti babo bali na moyo amagholosu.

⁵ Loli babo bakweghelela inkalo inyonganu, u Mwene akwiza pakubachimbizya poka na babomba mbibi. Mu Izilayeli mubanje umutende.