Masalimo 122 - IBAYIBOLO 2024

Pakumupala u Yelusalemu

Ulwimbo ulwakubukila ku Yelusalemu. Isalimo ilya Devedi.

¹ Nkahoboka bo bambuzya ukuti, “Twende tubukaye ku Nyumba iya Mwene.”

² Wee Yelusalemu, losi ulu tuli pano, inyayo zyitu zyimiliye mukasi mumilyango yako.

³ U Yelusalemu azengiwe akiza nkani ngati kaya akakulu nkani, kako kalemanite poka nkani.

⁴ Uluko losi ko kuko lukabukaghako, kokuti uluko ulwa Mwene, pakulipala itabwa ilya Mwene ukuyana na malamulo ghagho akabapa aba Izilayeli.

⁵ Kulakula abikiteko ivitengo ivya balongi, ivitengo ivya bumwene ivya bamunyumba iya Devedi.

⁶ Mwiputilaye umutende uwamu Yelusalemu mutinji, “Abantu babo bakughanite ivintu vibendelaye akiza.

⁷ Umutende ghubanje mukasi mulupaso lwako, sona nukuti ivintu vibanje akiza munyumba zyako izya bumwene.”

⁸ Pachifukwa icha bakamu bane na bamanyani bane, nkumubuzya u Yelusalemu ukuti, “Umutende ghubanje nawe.”

⁹ Pachifukwa icha Nyumba iya Mwene u Chala witu, nkwiputa ukuti ivintu vimwendelaye akiza.