Masalimo 121 - IBAYIBOLO 2024

U Mwene we muvighilili witu

Ulwimbo ulwakubukila ku Yelusalemu.

¹ Nkwinusya amaso ghane kumaghamba, nkimba ubwavwilizi bwane bukufuma kwiyi?

² Ubwavwilizi bwane bukufuma kwa Mwene, yuyo we Mupeli uwakumwanya ni chisu ichapasi.

³ Atakwiza pakwitikizya ulwayo lwako ukuti lutyelemukaye, yuyo akukusungilila atakusyupilagha.

⁴ Naloli yuyo akumusungilila u Izilayeli atakusyupilagha pamo ukughona utulo.

⁵ U Mwene we musungilili wako, u Mwene we kazundila kako kunyobe yako indilo.

⁶ Izuba litakwiza pakukocha pamusanya, pamo umwezi pabusiku.

⁷ U Mwene akwiza pakukupoka kuvyosi ivibibi, sona akwiza pakubusungilila ubumi bwako.

⁸ U Mwene akwiza pakukusunga kosi kuko ukubuka, ukwanda ilelo mupaka bwila na bwila.