Masalimo 120 - IBAYIBOLO 2024

Ukulaba ubwavwilizi ubwa Chala

Ulwimbo ulwakubukila ku Yelusalemu.

¹ Muntamyo zyane nkumwitizya u Mwene, po akunyamula.

² Wee Mwene, mpoka ku bantu aba milomo iyimyasi sona na munyobe izya bazimbuli.

³ Mwee bazimbuli, nkimba u Chala akwiza pakubomba choni namwe? Nkimba atakwiza pakonjelezya ulufundo?

⁴ Po akwiza pakubafunda nkani, pakubalasa nu tulasilo utwa musilikali, nukubocha na mazimwa agha moto.

⁵ Naghuniwa nkani ne nkwikala mu Mesheki, ane ne nkwikala pakasi pachisakasa mu Kedali.

⁶ Nikala akabalilo akatali nkani, pakasi pabantu babo baghubengite umutende.

⁷ Ane ne muntu yuyo aghughanite umutende, loli nanti nkunena, abene bakulonda ubwite.