Masalimo 114 - IBAYIBOLO 2024

Ulwimbo ulwapa Lusekelo ulwa Pasa

¹ Bo abantu aba mu Izilayeli bepamo mu Ijiputi, abamunyumba iya Yakobo, bakepamo muchisu ichiyeni,

² u Yuda akanduka pakuba Buzilo Ubuzelu ubwa Chala, po u Izilayeli akanduka pakuba bumwene bwache.

³ Inyanja yikennya nukuchimbila, ulusoko ulwa Yolodani lukanyokela.

⁴ Amaghamba ghakanyelanyela ngati bo badubi, sona tope utughamba tukanyelanyela ngati twana utwa ng'ozi.

⁵ Wee nyanja, nkimba choni chicho ukuchimbila? Wee lusoko ulwa Yolodani, nkimba choni chicho ukunyokela.

⁶ Mwe maghamba, nkimba choni chicho mukanyelanyela ngati bo badubi? Namwe mwe tumaghamba, nkimba choni chicho mukanyelanyela ngati twana utwa ng'ozi.

⁷ Wee chisu ichapasi, tetemagha pamaso pa Mwene, yuyo we Chala uwa Yakobo.

⁸ Akalyandula ilyalabwe pakuba mbwibwi, sona ibwe ikafu nkani pakuba mbwibwi.