Masalimo 113 - IBAYIBOLO 2024

Pakubupala ubwiza ubwa Mwene

¹ Mumupalaye u Mwene. Mwee babombi aba Mwene, mulipalaye itabwa ilya Mwene.

² Mulipalaye itabwa ilya Mwene ukwanda ilelo mupaka bwila na bwila.

³ Ukwandila kuko izuba likufumila mupaka kuko likwinjilila, itabwa ilya Mwene lyo lipaliwanje.

⁴ U Mwene akubalaghilagha abantu aba inko zyosi, ubuchindamu bwache buli mumwanya nkani.

⁵ Nkimba wewenu ayanite nu Mwene u Chala witu, yuyo akwikala pachitengo icha bumwene kumwanya?

⁶ Yuyo akunanamizya pasi pakwennya mumwanya nkani ni chisu ichapasi?

⁷ Akubakwezya abapina ukufuma palufumbi, nukubanyamusya abapotwe ukufuma pachituntululu.

⁸ Akubikazya poka na bamwene, sona na balaghili aba bantu babo.

⁹ Umukolo umughumba akumupa impapo, po akumupela pakuba we nyina uwakuhoboka nkani uwa bana bache. Mumupalaye u Mwene.