Masalimo 111 - IBAYIBOLO 2024

Ukumupala u Mwene

¹ U Mwene apaliwanje! Nkwiza pakumupalizya u Mwene nu moyo wane ghosi, palukomano ulwa bantu abagholosu.

² Imbombo izya mwene zyakuswighisya, abantu bosi bakuhoboka nazyo nkani pakuzilonda.

³ Imbombo zyache zyabuchindamu, ubugholosu bwache ubwa bwila na bwila.

⁴ U Mwene atakulonda ukuti tuluvyanje imbombo zyache izyakuswighisya. U Mwene wachisa sona wachililizi.

⁵ Akubapa ichakulya babo bakumuchindika. Sona a akulukumbukagha ulufingo lwache ulwa bwila na bwila.

⁶ Abalanjizya abantu bache, amaka agha mbombo zyache, pakubapa ichisu abantu aba inko izinji.

⁷ Imbombo izya nyobe zyache nsubiliwa sona ngolosu, amalamulo ghache ghope masubiliwa.

⁸ Ghikalanite bwila na bwila, umwakuti bapeyiwanje mubusubiliwa sona na mubugholosu.

⁹ Akabatabula abantu bache, sona akafingana nabo ulufingo Ulwa bwila na bwila, Itabwa lyache lizelu sona lyakoghofya.

¹⁰ Ukumunyila u Mwene bo bwandilo ubwa mahala, bosi babo bakughakonka amalamulo ghache bakuba nubumanyi ubwakufikapo. U Mwene apaliwanje bwila na bwila.