Masalimo 110 - IBAYIBOLO 2024

U mwene asaliwa nu Mwene

Isalimo ilya Devedi.

¹ U Mwene akamubuzya u mwene wane akati, “Ikala apa kunyobe yane indilo, mupaka imbabike abalwani bako kusi kunyayo zyako.”

² U Mwene akwiza pakonjelezyako amaka, agha bumwene bwako ukwandila ku Ziyoni, Po akwiza pakukubuzya ukuti, “Ubalaghililaye abalwani bako.”

³ Abasilikali bako bakwiza pakwiyipa mubwighane bwabo, pisiku lilyo ukwiza pakulwa na balwani bako. Abalumendo bako bakwiza pakwiza kukwako mubwinji bwabo, ngati mumo inganda yikuwila pandabindabi.

⁴ U Mwene alapa, po atakwiza pakwandula inyinong'ono zyache. “Awe we muputi uwa bwila na bwila mulubatiko ulwa buputi ubwa Melekizedeki.”

⁵ U Mwene imiliye kunyobe yako indilo, sona akwiza pakubanangannya abamwene, pisiku ilya kukalala kwache.

⁶ Akwiza pakubalonga abantu aba inko izinji, nukuyilundika muvibunga imivimba iya bafwe, sona akwiza pakubanangannya abamwene aba pachisu chosi ichapasi.

⁷ Akwiza pakung'wela mulusoko lulo luli muzila, po akwiza pakwinusya umutu wache.