Masalimo 11 - IBAYIBOLO 2024

Nizya ukumusubila u Mwene

Kumulongozi uwa bwimbi. Isalimo ilya Devedi.

¹ Mwa Mwene momumo nkuvwamaghamo. Po nkimba mungambuzya bulibuli ukuti, “Chimbilila kumaghamba ngati cho chiyuni?

² Ennya abantu ababibi bakuwesa ubwele bwabo, babikite utulasilo palupote ulwa bwele bwabo umwakuti babalase babo bali na moyo amagholosu ukufumila kuchisi.

³ Nanti ulwalo lukunanganika, nkimba abagholosu bangabomba ichoni?”

⁴ U Mwene ali munyumba yache izelu, sona ikaye pachitengo chache kumwanya. Amaso ghache ghakubennya abantu bosi, sona akubapima bosi.

⁵ U Mwene akubapima abagholosu, loli ababengite abantu ababibi, na babo bavighanite ivyongo.

⁶ Pabantu ababibi akwiza pakubawisizya amazimwa nu sulufule uwakwaka, po impepo iyakocha yikwiza pakuba gho muvwalo wabo.

⁷ Pakuti u Mwene we mugholosu, sona abughanite ubwanaloli, Po abagholosu bakwiza pakuchennya icheni chane.