Masalimo 101 - IBAYIBOLO 2024

Ulufingo ulwa mwene

Isalimo ilya Devedi.

¹ Wee Mwene, nkwiza pakwimba nizya lughano, sona nu bwanaloli, nkwiza pakukwimbila inyimbo izya mapalo.

² Nkwiza pakwenda muzila zizyo zite ni chilema nachimochimo, nkimba ukwiza liyi kukwane? Nkwiza pakuba nu moyo uwakufikapo munyumba yane.

³ Ntakwiza pakughitikizya amaso ghane, pakwennya ivintu ivyamwalwemwalwe. Izibengite nkani imbombo izya bantu babo te basubiliwa. Zinizi zitakwiza pakumamatila.

⁴ Nkwiza pakuba kubutali nkani na bantu babo amoyo ghabo manyonganu. Po ntakwiza pakuba navyo nimbombo.

⁵ Wesi yuyo akumuyeba umupalamani wache, nkwiza pakumupumizya. Wesi yuyo akwikwezya sona nu moyo uwakwitutumula, ntakwiza pakumuleka bulo.

⁶ Nkwiza pakuba ni chisa na bantu abasubiliwa muchisu, umwakuti bikalaye poka nane. Wesi yuyo akwikala ubumi bubo bute ni chilema nachimochimo, akwiza pakumbombela.

⁷ Atalipo nayumoyumo umuzimbuli yuyo akwikala munyumba yane. Atalipo nayumoyumo umumyasi yuyo akwiza pakwimilila pamaso papane.

⁸ Pandabindabi posi nkwiza pakubapumizya, abantu bosi ababibi muchisu. Nkwiza pakubefyamo ababomba mbibi, ukufuma mukaya akakulu nkani aka Mwene.