Masalimo 100 - IBAYIBOLO 2024

Ulwimbo ulwamapalo

Isalimo ilyakupalizikizya.

¹ Mwee bantu bosi aba muchisu ichapasi, mukolomokaye kwa Mwene, pachifukwa icha buhobosu.

² Mumwiputaye u Mwene nu buhobosu, sona zagha pamaso papache, bo mukwimba inyimbo.

³ Muzimanye ukuti u Mwene we Chala, weyuyo akatupela, po twe bantu bache. Twe bantu bache, ing'ozi izya mudimo wache.

⁴ Injila pamilyango yache, bo mukupalizya, sona mwinjilaye mulubinjilo lwache na mapalo. Mumupalizyanje, sona mulipalaye itabwa lyache.

⁵ Pakuti u Mwene mwiza, sona ulughano lwache lwa bwila na bwila. Akubanga musubiliwa mupaka inkulilo zyosi.