Ezila 10 - IBAYIBOLO 2024

Abantu bakwilata imbibi zyabo

¹ Bo Ezila ali pakwiputa nukwilata imbibi, sona bo akulila nukwisumba pasi pantazi pa Nyumba iya Chala, ichilundilo ichikulu nkani icha ba Izilayeli, kokuti abanavuli na bakolo na bana chikabungana umwakumuzyungulila bo bakulila nkani.

² Po u Shekaniya umwana uwa Yehiyeli, uwaluko ulwa Elamu, akamubuzya u Ezila akati, “Aswe tutakasubiliwa kwa Chala witu pakubasenda pakuba bachi bitu abakolo abayeni aba inko zizyo zyatuzyunguliye. Pope bulo ulusubilo luchili lulipo pakasi paba Izilayeli.

³ Losi ulu zagha tufinge ulufingo pamaso pa Chala witu ukuti tubasosye abakolo aba poka na bana babo, ukuyana na zizyo utubuzizye sona na bantu babo bakughanyila amalamulo agha Chala witu. Leka zibombiwanje ukuyana ni Ndaghilo.

⁴ Nyamuka! Iyi yo mbombo yako, aswe tuli poka nawe. Po ujimbaye sona ubombaye imbombo iyi.”

⁵ U Ezila akanyamuka nukubalapizya abaputi abasongo naba Levi naba Izilayeli bosi ukuti babombaye zizyo zikasakiziwa. Po bosi bakalapa ichilapo.

⁶ Po u Ezila akepapo pantazi pa Nyumba iya Chala nukwinjila muchipinda icha Yehohanani umwana uwa Eliyashibu. Mulamula atakalyapo ichakulya pamo ikung'wela ichakung'wela nachimochimo, pakuti akalilagha pachifukwa ichakusita kusubiliwa ukwa bantu babo bakanyokako kubuzya.

⁷ Bakafumusya muchisu chosi icha Yuda, na mu Yelusalemu ukuti abantu bosi babo bakanyokako kubuzya babungane mu Yelusalemu.

⁸ Umuntu wesi yuyo apotwa pakwizako pamasiku matatu afyuliwanje ukatundu wache wesi, ukuyana namumo amakambala na balongozi bakadumulila sona efiwanjepo pakasi pabantu babo bakanyokako kubuzya.

⁹ Abantu bosi aba muchisu icha Yuda nicha Benjamini bakabungana mu Yelusalemu pamasiku matatu ghala. Po pisiku ilya 20 mumwezi uwa 9, abantu bosi bakikala palubinjilo ulwa Nyumba iya Chala, bo bakutetema pachifukwa icha mabyebye wabo, sona pachifukwa icha vula iyamaka.

¹⁰ Po umuputi u Ezila akimilila nukubabuzya ukuti, “Amwe mutakasubiliwa. Amwe mwasenda abakolo abayeni pakuba bachi binyu, po ububibi ubwa Izilayeli bwaba bukulu.

¹¹ Losi ulu mwilate imbibi zyinyu pamaso pa Mwene, u Chala uwa banyenya binyu nukubomba ubwighane bwache. Mwipaghule mwebene ku bantu aba inko izinji babo babazyunguliye sona naku bachi binyu abayeni.”

¹² Po ichilundilo chosi chikamula umwakukolomoka chikati, “Momumo tubaghiye pakubomba zizyo wanena.

¹³ Loli pano pali abantu abinji nkani sona akabalilo aka ka vula, po tutangimilila kuzi. Ukonjelezyapo tutanganenezannya ifundo iyi mwisiku lyoka pamo mabili awe, pachifukwa ichakuti twabomba imbibi inyinji nkani.

¹⁴ Leka amakambala ghitu ghabombaye mubuzilo bwitu. Po nanti alipo umwanavuli mutwaya twitu yuyo asendite umukolo umuyeni pakuba muchi, ize pakabalilo kache poka na balongozi na balongi aba mutwaya tosi, mupaka ubukali ubwakoghofya ubwa Chala witu butozoke.”

¹⁵ U Yonatani umwana uwa Asaheli nu Yahizeya umwana uwa Tikiva poka nu Meshulamu nu Shabetayi umu Levi bakasusannya ni fundo yiniyi.

¹⁶ Po abantu abakunyokako kubuzya bala bakabomba bunubu. Umuputi u Ezila akabasala abantu babo bakaba balongozi abamunyumba, ukuyana nu tubukatila twabo sona na matabwa ghabo. Pisiku ilyakwanda ilya mwezi uwa 10 bakanda pakwennya inongwa izya banavuli babo bakaba na bachi abayeni.

¹⁷ Po pakufika pisiku ilyakwanda ilya mwezi uwakwanda bakamalizya pakwennya inongwa izya banavuli bosi babo bakaba na bachi abayeni.

Abanavuli babo bakaba na bachi abayeni

¹⁸ Abanavuli babo bakaba na bachi abayeni bakaba bo aba: Pakasi pa baluko ulwa Yeshuwa umwana uwa Yozadaki, na bawamwabo pakabapo: U Maseya nu Eliyezeli nu Yalibu nu Gedaliya.

¹⁹ Bosi banaba bakalapa pakubasosya abachi babo abayeni, sona umuntu wesi akabika udubi pakuba chakwiyipa ichakupepesezya imbibi.

²⁰ Pakasi pa baluko ulwa Imeli pakabapo: U Hanani nu Zebadiya.

²¹ Pakasi pa baluko ulwa Halimu pakabapo: U Maseya nu Eliya nu Shemaya nu Yehiyeli sona nu Uziya.

²² Pakasi pa baluko ulwa Pashulu pakabapo: U Eliyonayi nu Maseya nu Ishimayeli nu Netaneli nu Yozabadi sona nu Elasa.

²³ Pakasi pa baluko ulwa ba Levi pakabapo: U Yozabadi nu Shimeyi nu Kelaya kokuti u Kelita nu Petahiya nu Yuda sona nu Eliyezeli.

²⁴ Pakasi pa bimbi pakabapo: U Eliyashibu. Pakasi pa balindilili aba pamulyango pakabapo: U Shalumu nu Telemi sona nu Uli.

²⁵ Aba Izilayeli abanji: Pakasi pa baluko ulwa Paloshi pakabapo: U Lamiya nu Iziya nu Malikiya nu Miyamini nu Eleyazala nu Malikiya sona nu Benaya.

²⁶ Pakasi pa baluko ulwa Elamu pakabapo: U Mataniya nu Zekaliya nu Yehiyeli nu Abidi nu Yelemoti sona nu Eliya.

²⁷ Pakasi pa baluko ulwa Zatu pakabapo: U Eliyonayi nu Eliyashibu nu Mataniya nu Yelemoti nu Zabadi sona nu Aziza.

²⁸ Pakasi pa baluko ulwa Bebayi pakabapo: U Yehohanani nu Hananiya nu Zabayi sona nu Atilayi.

²⁹ Pakasi pa baluko ulwa Bani pakabapo: U Meshulamu nu Maluka nu Adaya nu Yashubu nu Sheyali sona nu Yelemoti.

³⁰ Pakasi pa baluko ulwa Pahati Mowabu pakabapo: U Adina nu Kelali nu Benaya nu Maseya nu Mataniya nu Bezaleli nu Binuyi sona nu Manase.

³¹ Pakasi pa baluko ulwa Halimu pakabapo: U Eliyezeli nu Ishiya nu Malikiya nu Shemaya nu Shimiyoni

³² nu Benjamini nu Maluka sona nu Shemaliya.

³³ Pakasi pa baluko ulwa Hashumu pakabapo: U Matenayi nu Matata nu Zabadi nu Elifeleti nu Yelemayi nu Manase sona nu Shimeyi.

³⁴ Pakasi pa baluko ulwa Bani pakabapo: U Madayi nu Amulamu nu Uweli

³⁵ nu Benaya nu Bedeya nu Keluhi

³⁶ nu Vaniya nu Melemoti nu Eliyashibu

³⁷ nu Mataniya nu Matenayi sona nu Yasu.

³⁸ Pakasi pa baluko ulwa Binuyi pakabapo: U Shimeyi

³⁹ nu Shelemiya nu Natani nu Adaya

⁴⁰ nu Makinedebayi nu Shashayi nu Shalayi

⁴¹ nu Azaleli nu Shelemiya nu Shemaliya

⁴² nu Shalumu nu Amaliya sona nu Yosefu.

⁴³ Pakasi pa baluko ulwa Nebo pakabapo: U Yeyili nu Matitiya nu Zabadi nu Zebina nu Yadayi nu Yoweli sona nu Benaya.

⁴⁴ Bosi banaba bakasenda abakolo abayeni pakuba bachi babo sona abanji bakapapa abana na bakolo banaba.