1 Imbili 6 - IBAYIBOLO 2024

Abaluko ulwa Levi

¹ U Levi akapapa: U Gelishoni nu Kohati sona nu Melali.

² U Kohati akapapa: U Amulamu nu Izihali nu Hebuloni sona nu Uziyeli.

³ U Amulamu akapapa: U Aloni nu Mozesi sona nu Miliyamu. U Aloni akapapa: U Nadabu nu Abihu nu Eleyazala sona nu Itamali.

⁴ U Eleyazala akapapa: U Finehasi. U Finehasi akapapa: U Abishuwa.

⁵ U Abishuwa akapapa: U Buki. U Buki akapapa: U Uzi.

⁶ Uzi akapapa: U Zelahiya. U Zelahiya akapapa: U Melayoti.

⁷ U Melayoti akapapa: U Amaliya. U Amaliya akapapa: U Ahitubi.

⁸ U Ahitubi akapapa: U Zadoki. U Zadoki akapapa: U Ahimazi.

⁹ U Ahimazi akapapa: U Azaliya. U Azaliya akapapa: U Yohanani.

¹⁰ U Yohanani akapapa: U Azaliya. Yunuyu akabombagha imbombo iya buputi mu Nyumba iya Chala, yiyo u Solomoni akayizenga mu Yelusalemu.

¹¹ U Azaliya akapapa: U Amaliya. U Amaliya akapapa: U Ahitubi.

¹² U Ahitubi akapapa: U Zadoki. U Zadoki akapapa: U Shalumu.

¹³ U Shalumu akapapa: U Hilikiya. U Hilikiya akapapa: U Azaliya.

¹⁴ U Azaliya akapapa: U Selaya. U Selaya akapapa: U Yehozadaki.

¹⁵ U Yehozadaki akalemiwa pakuba muzya pakabalilo kako u Mwene akamulamula u Nebukadineza ukuti abaleme abantu aba mu Yuda naba mu Yelusalemu.

Abaluko abanji aba Levi

¹⁶ Abana aba Levi bo aba: u Gelishoni nu Kohati nu Melali.

¹⁷ Abana aba Gelishoni bo aba: u Libini nu Shimeyi.

¹⁸ Abana aba Kohati bo aba: U Amulamu nu Izihali nu Hebuloni sona nu Uziyeli.

¹⁹ Abana aba Melali bo aba: u Mahili nu Mushi. Aba bo baluko ulwa ba Levi ukuyana na matabwa agha banyenya babo:

²⁰ Abana aba Gelishoni bo aba: u Libini nu Yahati sona nu Zima.

²¹ Abana aba Yowa bo aba: u Ido, u Ido akapapa u Zela, u Zela akapapa u Yeyatelayi.

²² Abaluko ulwa Kohati bo aba: U Kohati akapapa: U Aminadabu. U Aminadabu akapapa: U Kola. U Kola akapapa: U Asili.

²³ U Asili akapapa: U Elikana. U Elikana akapapa: U Ebiyasafu. U Ebiyasafu akapapa: U Asili.

²⁴ U Asili akapapa: U Tahati. U Tahati akapapa: U Uliyeli. U Uliyeli akapapa: U Uziya. U Uziya akapapa: U Shabuli.

²⁵ U Elikana akapapa: U Amasayi nu Ahimoti.

²⁶ U Ahimoti akapapa: U Elikana. U Elikana akapapa: U Zofayi. U Zofayi akapapa: U Nahati.

²⁷ U Eliyabu akapapa: U Yelohamu. U Yelohamu akapapa: U Elikana. U Elikana akapapa: U Samuweli.

²⁸ U Samuweli akapapa abana babili: U Yoweli ukatote nu Abiya.

²⁹ Abaluko ulwa Melali bakaba bo aba: U Melali akapapa: U Mahili. U Mahili akapapa: U Libini. U Libini akapapa: U Shimeyi. U Shimeyi akapapa: U Uza.

³⁰ U Uza akapapa: U Shimeya. U Shimeya akapapa: U Hagiya. U Hagiya akapapa: U Asaya.

Abimbi aba mu Nyumba iya Chala

³¹ Aba bakaba bantu babo u Devedi akabasala ukuti balongozyanje pakwimba mu Nyumba iya Mwene, bo babikamo Ibokosi ilya Lufingo.

³² Bakimba inyimbo bo bakubomba imbombo pantazi pa Chisakasa icha Mwene mupaka u Solomoni akamuzengela inyumba Mwene mu Yelusalemu. Bakabomba ukuyana ni ndaghilo zizyo bakapeghiwa.

³³ Aba bo bantu babo bakabomba imbombo poka na bana babo: Munyumba iya Kohati mukafuma: U Hemani umwimbi, umwana uwa Yoweli, umwana uwa Samuweli,

³⁴ umwana uwa Elikana, umwana uwa Yelohamu, umwana uwa Eliyeli, umwana uwa Towa,

³⁵ umwana uwa Zufi, umwana uwa Elikana, umwana uwa Mahati, umwana uwa Amasayi,

³⁶ umwana uwa Elikana, umwana uwa Yoweli, umwana uwa Azaliya, umwana uwa Zefaniya,

³⁷ umwana uwa Tahati, umwana uwa Asili, umwana uwa Ebiyasafu, umwana uwa Kola,

³⁸ umwana uwa Izihali, umwana uwa Kohati, umwana uwa Levi, sona nu mwana uwa Izilayeli.

³⁹ Pakabapo sona u Asafu. Yunuyu akaba mulongozi uwa kabukatila aka bimbi akabubili. Abamunyumba yache bakaba bo aba: U Asafu umwana uwa Belekiya, umwana uwa Shimeya,

⁴⁰ umwana uwa Mikayeli, umwana uwa Baseya, umwana uwa Malikiya,

⁴¹ umwana uwa Etini, umwana uwa Zela, umwana uwa Adaya,

⁴² umwana uwa Etani, umwana uwa Zima nu Shimeyi,

⁴³ umwana uwa Yahati, umwana uwa Gelishoni, sona nu mwana uwa Levi.

⁴⁴ U Etani uwa luko ulwa Melali akaba mulongozi uwa kabukatila aka bimbi akabutatu. Abamunyumba bakaba bo aba: U Etani, umwana uwa Kishi, umwana uwa Abidi, umwana uwa Maluka,

⁴⁵ umwana uwa Hashabiya, umwana uwa Amaziya, umwana uwa Hilikiya,

⁴⁶ umwana uwa Amizi, umwana uwa Bani, umwana uwa Shemeli,

⁴⁷ umwana uwa Mahili, umwana uwa Mushi, umwana uwa Melali sona nu mwana uwa Levi.

⁴⁸ Po aba Levi abamwabo bakapeghiwa imbombo izinji mu Chisakasa mu Nyumba iya Chala.

⁴⁹ Loli u Aloni poka na baluko lwache bo babo bakabika ivyakwiyipa ivyakocha nukufukizya utwakununkila pachighemo ukuyana ni mbombo yosi yiyo yikabombiwa mu Chipinda Ichizelu nkani. Bakabika ivyakwiyipa ivyakupepesezya imbibi izya ba Izilayeli ukuyana namumo u Mozesi umubombi uwa Chala akalamulila.

⁵⁰ Abaluko ulwa Aloni bakaba bo aba: U Aloni akapapa: U Eleyazala. U Eleyazala akapapa: U Finehasi. U Finehasi akapapa: U Abishuwa.

⁵¹ U Abishuwa akapapa: U Buki. U Buki akapapa: U Uzi. U Uzi akapapa: U Zelahiya.

⁵² U Zelahiya akapapa: U Melayoti. U Melayoti akapapa: U Amaliya. U Amaliya akapapa: U Ahitubi.

⁵³ U Ahitubi akapapa: U Zadoki. U Zadoki akapapa: U Ahimazi.

Utwaya utukulu nkani utwa ba Levi

⁵⁴ Ichi cho chisu chicho chikapeghiwa ku baluko ulwa Aloni na bana aba Kohati, pakuba chabo ni chabo pakupanga amayele.

⁵⁵ Bakapeghiwa akaya akakulu nkani aka Hebuloni muchigaba icha Yuda, poka nu buzilo ubwakudimilako ivitekwa vyabo.

⁵⁶ Loli amaghunda nutwaya utwakuzyungulila akaya akakulu nkani kala tukapeghiwa kwa Kalebu umwana uwa Yefune.

⁵⁷ Po abaluko ulwa Aloni bakapeghiwa akaya akakulu nkani aka Hebuloni pakuba kaya akakuponelamo naka Yatili sona nakaya akakulu aka Libina naka Eshitemowa

⁵⁸ naka Hileni naka Debili

⁵⁹ naka Ashani naka Beti Shemeshi poka nu buzilo ubwakudimilako ivitekwa vyabo.

⁶⁰ Ukufuma muluko ulwa Benjamini bakapeghiwa akaya akakulu nkani Gibeyoni naka Geba naka Alemeti naka Anatoti poka nu buzilo ubwakudimilako ivitekwa vyabo bo aba: U Geba nu Alemeti nu Anatoti. Utwaya utukulu nkani tunutu to tuto tukapeghiwa ku bamunyumba iya Kohati. Tosi poka tukabapo 13.

⁶¹ Abaluko abanji aba Kohati bakapeghiwa utwaya utukulu 10 ukufuma muhafu uwa luko ulwa Manase.

⁶² Abaluko ulwa Gelishoni bakapeghiwa utwaya utukulu 13, ukuyana ni nyumba zyabo ukufuma muluko ulwa Isakala nulwa Asheli nulwa Nafutali sona nu hafu uwa luko ulwa Manase mu Bashani.

⁶³ Abaluko ulwa Melali bakapeghiwa utwaya utukulu 12, ukuyana ni nyumba zyabo ukufuma muluko ulwa Lubeni nulwa Gadi sona nulwa Zebuloni.

⁶⁴ Po aba Izilayeli bakabapa aba Levi utwaya utukulu tunutu poka nu buzilo ubwakudimilako ivitekwa vyabo.

⁶⁵ Ukufuma muluko ulwa Yuda nulwa Simiyoni sona nulwa Benjamini bakapeghiwa utwaya utukulu tuto tutambuliwe pamwanya.

⁶⁶ Abaluko abanji aba Kohati bakapeghiwa utwaya utukulu utwakufuma muluko ulwa Efulayimu pakuba twabo nu twabo.

⁶⁷ Muchisu icha maghamba icha Efulayimu bakapeghiwa akaya akakulu nkani aka Shekemu pakuba kaya akakuponelamo naka Gezeli

⁶⁸ naka Yokimeyamu naka Beti Holoni

⁶⁹ naka Ayaloni naka Gati Limoni poka nu buzilo ubwakudimilako ivitekwa vyabo.

⁷⁰ Ukufuma muhafu uwa luko ulwa Manase, kokuti akaya akakulu aka Aneli naka Bileyamu poka nu buzilo ubwakudimilako ivitekwa vyabo, bakabapa abamunyumba abakusyala abaluko ulwa Kohati.

⁷¹ Abaluko ulwa Gelishoni bakapeghiwa utwaya utukulu nkani utwakufuma muhafu uwa luko ulwa Manase utu: Akaya akakulu aka Golani mu Bashani naka Ashitaloti, poka nu buzilo ubwakudimilako ivitekwa vyabo.

⁷² Utwaya utukulu nkani utwakufuma ku luko ulwa Isakala tuto bakapokela to utu: Akaya akakulu aka Kedeshi naka Dabelati

⁷³ naka Lamoti naka Anemu poka nu buzilo ubwakudimilako ivitekwa vyabo.

⁷⁴ Utwaya utukulu nkani utwakufuma ku luko ulwa Asheli tuto bakapokela to utu: Akaya akakulu aka Mashali naka Abidoni

⁷⁵ naka Hukoki naka Lehobu poka nu buzilo ubwakudimilako ivitekwa vyabo.

⁷⁶ Utwaya utukulu nkani utwakufuma ku luko ulwa Nafutali tuto bakapokela to utu: Akaya akakulu aka Kedeshi mu Galileya naka Hamoni naka Kiliyatayimu poka nu buzilo ubwakudimilako ivitekwa vyabo.

⁷⁷ Aba Melali babo bakaba ba Levi abanji, bakapeghiwa utwaya utukulu nkani utu: Utwaya utukulu nkani utwakufuma ku luko ulwa Zebuloni tuto bakapokela to utu: Akaya akakulu aka Yokineyamu naka Kalita naka Limono naka Taboli poka nu buzilo ubwakudimilako ivitekwa vyabo.

⁷⁸ Utwaya utukulu nkani utwakufuma ku luko ulwa Lubeni kwisila ilya lusoko ulwa Yolodani kubufumilo bwizuba, tuto bakapokela tukaba to utu: Akaya akakulu aka Bezeli munkolongo naka Yahazi

⁷⁹ naka Kedemoti naka Mefati poka nu buzilo ubwakudimilako ivitekwa vyabo.

⁸⁰ Utwaya utukulu nkani utwakufuma ku luko ulwa Gadi tuto bakapokela tukaba to utu: Akaya akakulu aka Lamoti mu Giliyadi naka Mahanayimu

⁸¹ naka Heshiboni naka Yazeli poka nu buzilo ubwakudimilako ivitekwa vyabo.