1 Imbili 3 - IBAYIBOLO 2024

Abana aba Devedi

¹ Abana aba Devedi babo bakapapiliwa mu Hebuloni bakaba bo aba: Umwana wache ukatote akaba we Amunoni, yuyo unyina akaba we Ahinowamu umu Yezileli. Umwana wache uwabubili akaba we Daniyeli, yuyo unyina akaba we Abigelo uwamu Kalimeli.

² Umwana wache uwabutatu akaba we Abisalomu, yuyo unyina akaba we Maaka umwana uwa mwene u Talimayi uwamu Geshuli. Umwana wache uwafolo akaba we Adoniya, yuyo unyina akaba we Hagiti.

³ Umwana wache uwafayivi akaba we Shefatiya, yuyo unyina akaba we Abitali. Umwana wache uwasikisi akaba we Itileyamu, yuyo unyina akaba we Egila.

⁴ Abana sikisi banaba bakapapiliwa mu Hebuloni mumo akalaghila amaka seveni na mezi sikisi. U Devedi akalaghila amaka 30, bo ali mu Yelusalemu.

⁵ Po abana bache babo bakapapiliwa mu Yelusalemu bakaba bo aba: U Shamuwa nu Shobabu nu Natani nu Solomoni. Abana folo banaba akapapa nu Batisheba umwana uwa Amiyeli

⁶ Abana abanji aba Devedi bakaba bo aba: U Ibihali nu Elishuwa nu Elifeleti

⁷ nu Noga nu Nefegi nu Yafiya

⁸ nu Elishama nu Eliyada sona nu Elifeleti, kokuti bosi poka bakabapo nayini.

⁹ Bosi banaba bakaba bana aba Devedi ukusita ukubelengelako abana babo akapapa na bachi bache abazya. Umuyemba wabo akaba we Tamala.

Abaluko ulwa mwene u Solomoni

¹⁰ Abaluko ulwa Solomoni bakaba bo aba: U Lehobowamu akapapa u Abiya, u Abiya akapapa u Asa, u Asa akapapa u Yehoshafati,

¹¹ u Yehoshafati akapapa u Yeholamu. U Yeholamu akapapa u Ahaziya, u Ahaziya akapapa u Yowashi.

¹² U Yowashi akapapa u Amaziya, u Amaziya akapapa u Azaliya, u Azaliya akapapa u Yotamu.

¹³ U Yotamu akapapa u Ahazi, u Ahazi akapapa u Hezekiya, u Hezekiya akapapa u Manase.

¹⁴ U Manase akapapa u Amoni, u Amoni akapapa u Yosiya.

¹⁵ Abana aba Yosiya bakaba bo aba: Umwana wache ukatote akaba we Yohanani. Umwana wache uwabubili akaba we Yehoyakimu. Umwana wache uwabutatu akaba we Zedekiya sona uwafolo akaba we Shalumu.

¹⁶ Abana aba Yehoyakimu bakaba we Yekoniya nu Zedekiya.

Abaluko ulwa mwene u Yekoniya

¹⁷ Abaluko ulwa Yehoyakini yuyo akalemiwa pakuba mukayidi bakaba bo aba: U Sheyalitiyeli

¹⁸ nu Malikilamu nu Pedaya nu Senaza nu Yekamiya nu Hoshama sona nu Nedabiya.

¹⁹ U Pedaya akapapa u Zelubabeli nu Shimeyi. U Zelubabeli akapapa u Meshulamu nu Hananiya sona umuyemba wabo akaba we Shelomiti.

²⁰ Abana abanji fayivi aba Yekoniya bakaba bo aba: U Hashuba nu Oheli nu Belekiya nu Hasadiya sona nu Yushabi Hesedi.

²¹ U Hananiya akapapa u Pelatiya, nu Yeshaya nu Lefaya nu Alinani nu Obadiya sona nu Shekaniya.

²² U Shekaniya akapapa u Shemaya, u Shemaya akapapa u Hatushi nu Igali nu Baliya nu Neyaliya sona Shafati. Abana bosi poka bakabapo sikisi.

²³ U Neyaliya akapapa u Eliyonayi nu Hezekiya sona nu Azilikamu. Abana bosi poka bakabapo batatu.

²⁴ U Eliyonayi akapapa u Hodaviya nu Eliyashibu nu Pelaya nu Akubi nu Yohanani nu Delaya sona nu Anani. Abana bosi poka bakabapo seveni.