1 Imbili 27 - IBAYIBOLO 2024

Abasilikali na bantu babo

¹ Ulu lo lubatiko ulwa balongozi aba Izilayeli ukuyana ni nyumba zyabo, abasongo aba basilikali amasabuzani na basongo aba basilikali amahandiledi sona na makambala. Abantu banaba bakamubombelagha u mwene ukuyana nu tubukatila utwa bwite tuto tukaba pambombo umwezi nu mwezi ukwa mwaka ghosi. Akabukatila koka kakaba na bantu 24,000.

² U Yashobeyamu umwana uwa Zabidiyeli akaba we songo uwa kabukatila akakwanda pamwezi uwakwanda, kako kakaba kabukatila aka basilikali 24,000.

³ U Yashobeyamu akaba waluko ulwa Pelezi, sona akaba we songo uwa basilikali bosi mumwezi uwakwanda.

⁴ U Dodayi uwaluko ulwa Ahohi akaba we songo uwa kabukatila aka mwezi uwabubili. U Mikiloti akaba we mulongozi uwa kabukatila kanaka, kako kakaba na basilikali 24,000.

⁵ U Benaya umwana uwa umuputi u Yehoyada akaba we songo uwa basilikali mumwezi uwabutatu sona akaba we mulongozi uwa kabukatila kache, kako kakaba na basilikali 24,000.

⁶ U Benaya yunuyu akaba muntu uwa maka nkani pakasi pabantu abamaka 30 bala, sona akaba we mulongozi wabo. Umwana wache u Amizabadi akaba mulongozi uwa kabukatila kanaka.

⁷ U Asaheli uwamwabo uwa Yowabu akaba we songo uwa basilikali mumwezi uwa folo. Umwana wache u Zebadiya weyuyo akamupyana. Akabukatila kache kakaba na basilikali 24,000.

⁸ U Shamuhuti umu Izala akaba we songo uwa basilikali mumwezi uwafayivi. Akabukatila kache kakaba na basilikali 24,000.

⁹ U Ila umwana uwa Ikeshi umu Tekowa akaba we songo uwa basilikali mumwezi uwasikisi. Akabukatila kache kakaba na basilikali 24,000.

¹⁰ U Helezi uwamu Peloni umu Efulayimu akaba we songo uwa basilikali mumwezi uwaseveni. Akabukatila kache kakaba na basilikali 24,000.

¹¹ U Sibekayi uwamu Husha, uwaluko ulwa Zela akaba we songo uwa basilikali mumwezi uwa eyiti. Akabukatila kache kakaba na basilikali 24,000.

¹² U Abiyezeli uwamu Anatoti, uwaluko ulwa Benjamini akaba we songo uwa basilikali mumwezi uwa nayini. Akabukatila kache kakaba na basilikali 24,000.

¹³ U Mahalayi uwamu Netofa, uwaluko ulwa Zela akaba we songo uwa basilikali mumwezi uwa 10. Akabukatila kache kakaba na basilikali 24,000.

¹⁴ U Benaya uwamu Pilatoni, uwaluko ulwa Efulayimu akaba we songo uwa basilikali mumwezi uwa 11. Akabukatila kache kakaba na basilikali 24,000.

¹⁵ U Helidayi uwamu Netofa, uwaluko ulwa Otiniyeli akaba we songo uwa basilikali mumwezi uwa 12. Akabukatila kache kakaba na basilikali 24,000.

Abalongozi aba inko izya ba Izilayeli

¹⁶ Abalongozi babo bakazilongozya inko izya Izilayeli bakaba bo aba: U Eliyezeli umwana uwa Zikili akabalongozya aba Lubeni. U Shefatiya umwana uwa Maaka akabalongozya aba Simiyoni.

¹⁷ U Hashabiya umwana uwa Kemuweli akabalongozya aba Levi. U Zadoki akalongozya uluko ulwa Aloni.

¹⁸ U Elihu uwamwabo uwa Devedi akalongozya uluko ulwa Yuda. U Omuli umwana uwa Mikayeli akabalongozya ba Isakala.

¹⁹ U Ishimaya umwana uwa Obadiya akabalongozya aba Zebuloni. U Yelimoti umwana uwa Aziliyeli akabalongozya aba Zebuloni. U Yelimoti umwana uwa Aziliyeli akabalongozya aba Nafutali.

²⁰ U Hosheya umwana uwa Azaziya akabalongozya aba Efulayimu. U Yoweli umwana uwa Pedaya akalongozya uhafu uwa luko ulwa Manase.

²¹ U Ido umwana uwa Zekaliya akalongozya uhafu uyunji uwa luko ulwa Manase umu Giliyadi. U Yasiyeli umwana uwa Abinala akabalongozya aba Benjamini.

²² U Azaleli umwana uwa Yelohamu akabalongozya aba Dani. Banaba bakaba balongozi aba inko izya Izilayeli.

²³ U Devedi atakababelenga abantu abamaka 20 pamo babo ghatakwanite amaka 20, pachifukwa ichakuti u Mwene akalayizya pakubabalizya nkani aba Izilayeli ngati zyo ntondwa.

²⁴ U Yowabu umwana uwa Zeluya akanda pakubabelenga bantu bala loli atakamala pakubabelenga. Pachifukwa chinichi u Chala akabakalalila nkani aba Izilayeli, po ubwinji ubwa bantu bala butakasimbiwa mwibuku ilya mbili ilya mwene u Devedi.

Abakusunga ichuma icha mwene

²⁵ U Azimaveti umwana uwa Adiyeli akaba ni mbombo iyakwenelezya ichuma icha mwene. U Yonatani umwana uwa Uziya akaba ni mbombo iyakwenelezya ichuma icha muvigaba na mutwaya utukulu na mutwaya sona na muchitembe.

²⁶ U Ezili umwana uwa Kelubi akaba we kapitawa uwa bantu babo bakabombagha mumaghunda agha mwene.

²⁷ U Shimeyi uwamu Lama akenelezya amaghunda agha mampesya. U Zabidi uwamu Shifi akenelezyanga ivipinda ivyakusungilamo uvinyo.

²⁸ U Baala Hanani umu Gedeli akenelezyanga amakwi agha misyunguti, sona na makuyu muntende mwighamba kubwinjililo bwizuba. U Yowashi akenelezyanga amafuta agha misyunguti.

²⁹ U Shitilayi uwamu Shaloni akenelezyanga imidimo mu Shaloni. U Shafati umwana uwa Adilayi akenelezyanga imidimo mumakombe.

³⁰ U Obili umu Ishimayeli akenelezyanga ingamila. U Yehideya umu Melono akenelezyanga impunda.

³¹ U Yazizi umu Hagili akenelezyanga ing'ozi ni mbuzi. Abantu bosi banaba bakaba bakapitawa abakwenelezya ichuma icha mwene u Devedi.

Abakumulingannya u Devedi amahala

³² U Yonatani, uwise umunandi uwa Devedi akaba wakumulingannya amahala u Devedi, pakuti akaba na mahala aghakwivwisya ivintu, sona akaba mumanyi nkani. U Yonatani poka nu Yehiyeli umwana uwa Hakimoni bakaba bo babo bakabamanyisya abana abamwene.

³³ U Ahitofeli akaba wakumulingannya amahala u mwene. U Hushayi uwamu Alikiti akaba mumanyani uwa mwene.

³⁴ U Ahitofeli nu Yehoyada umwana uwa Benaya bakaba babo bakamupyana u Abiyatala. U Yowabu akaba we songo uwa basilikali abamwene.