1 Imbili 25 - IBAYIBOLO 2024

Abimbi aba mu Nyumba iya Chala

¹ U Devedi poka na basongo aba basilikali bakabasala abana abalumendo bamo aba Asafu nu Hemani sona nu Yedutuni ukuti babombaye imbombo iyakulaghula, bo bakulizya ivinanda na mapango, sona na malimba. Abantu babo bakasaliwa ukuti babombaye imbombo yiniyi bakaba bo aba:

² Pakasi pa baluko ulwa Asafu, bakasalapo u Zakuli nu Yosefu nu Netaniya sona nu Asalela. Abantu banaba bakalongoziwa nu Asafu, yuyo akalumbililagha amazyu agha Chala, pakabalilo kosi kako u mwene akalamula.

³ Pakasi pa baluko ulwa Yedutuni, bakasalapo u Gedaliya nu Zeli nu Yesaya nu Shimeyi nu Hashabiya sona nu Matitiya. Bosi poka bakabapo sikisi, sona bakalongoziwa nu wise u Yedutuni, yuyo akalaghulagha bo akulizya ichinanda ukumupalizya nukumuchindika u Mwene.

⁴ Pakasi pa baluko ulwa Hemani bakasalapo u Bukiya nu Mataniya nu Uziyeli nu Shebuweli nu Yelimoti nu Hananiya nu Hanani nu Eliyata nu Gidaliti nu Lomamiti Ezeli nu Yoshibekasha nu Maloti nu Hotili sona nu Mahaziyoti.

⁵ Bosi banaba bakaba bana aba Hemani, yuyo akaba mwenelezyi uwa mwene. U Chala akamupa abana bosi banaba ukuyana namumo akamulayizizya ukuti bamuchindikaye. Akamupa abana abalumendo 14 na balindu batatu.

⁶ Abantu bosi banaba bakalongoziwa na bawise ukuti babombaye imbombo iyakwimba inyimbo mu Nyumba iya Mwene, pakulizya amalimba na mapango sona ni vinanda. U Asafu nu Yedutuni nu Hemani bakalongoziwa nu mwene.

⁷ Abantu bosi banaba poka na bakamu babo bakamanya nkani pakumwimbila u Mwene, sona bakabapo 288.

⁸ Abantu banaba bakapeghiwa imbombo yabo pakupanga amayele manyi basongo pamo banandi manyi bamanyisi pamo abamanyili.

⁹ Amayele aghakwanda ghakamuwila u Yosefu uwa munyumba iya Asafu na bana bache, poka na bakamu bache. Bosi poka bakabapo 12. Amayele aghabubili ghakamuwila u Gedaliya na bana bache poka na bakamu bache. Bosi poka bakabapo 12.

¹⁰ Aghabutatu ghakamuwila u Zakuli na bana bache, poka na bakamu bache. Bosi poka bakabapo 12.

¹¹ Aghafolo ghakamuwila u Izili na bana bache, poka na bakamu bache. Bosi poka bakabapo 12.

¹² Aghafayivi ghakamuwila u Netaniya na bana bache, poka na bakamu bache. Bosi poka bakabapo 12.

¹³ Aghasikisi ghakamuwila u Bukiya na bana bache poka na bakamu bache. Bosi poka bakabapo 12.

¹⁴ Aghaseveni ghakamuwila u Yesalela na bana bache, poka na bakamu bache. Bosi poka bakabapo 12.

¹⁵ Aghaeyiti ghakamuwila u Yeshaya na bana bache, poka na bakamu bache. Bosi poka bakabapo 12.

¹⁶ Aghanayini ghakamuwila u Mataniya na bana bache, poka na bakamu bache. Bosi poka bakabapo 12.

¹⁷ Agha 10 ghakamuwila u Shimeyi na bana bache, poka na bakamu bache. Bosi poka bakabapo 12.

¹⁸ Agha 11 ghakamuwila u Azaleli na bana bache, poka na bakamu bache. Bosi poka bakabapo 12.

¹⁹ Agha 12 ghakamuwila u Hashabiya na bana bache, poka na bakamu bache. Bosi poka bakabapo 12.

²⁰ Agha 13 ghakamuwila u Shebuweli na bana bache, poka na bakamu bache. Bosi poka bakabapo 12.

²¹ Agha 14 ghakamuwila u Matitiya na bana bache, poka na bakamu bache. Bosi poka bakabapo 12.

²² Agha 15 ghakamuwila u Yelemoti na bana bache, poka na bakamu bache. Bosi poka bakabapo 12.

²³ Agha 16 ghakamuwila u Hananiya na bana bache, poka na bakamu bache. Bosi poka bakabapo 12.

²⁴ Agha 17 ghakamuwila u Yoshibekasha na bana bache, poka na bakamu bache. Bosi poka bakabapo 12.

²⁵ Agha 18 ghakamuwila u Hanani na bana bache, poka na bakamu bache. Bosi poka bakabapo 12.

²⁶ Agha 19 ghakamuwila u Maloti na bana bache, poka na bakamu bache. Bosi poka bakabapo 12.

²⁷ Agha 20 ghakamuwila u Eliyatani na bana bache, poka na bakamu bache. Bosi poka bakabapo 12.

²⁸ Agha 21 ghakamuwila u Hotili na bana bache, poka na bakamu bache. Bosi poka bakabapo 12.

²⁹ Agha 22 ghakamuwila u Gidaliti na bana bache, poka na bakamu bache. Bosi poka bakabapo 12.

³⁰ Agha 23 ghakamuwila u Mahaziyoti na bana bache, poka na bakamu bache. Bosi poka bakabapo 12.

³¹ Agha 24 ghakamuwila u Lomamiti Ezeli na bana bache, poka na bakamu bache. Bosi poka bakabapo 12.