2 Korint 6 - Lau New Testament

¹ Sulia gemelu rao fai nia God, melu ii ani gamu na mu ngalia na rakedianalaa a God, langi musi faalamainia na rakedianalaa nia ka lea tatagwai go ana fuagamu.

² Sulia na Kekedelaa Aabu e haea, <> Haia, taa naa nau ku haea fuagamu e urii: si kadamanga naa nae, si kada muka ngalia na rakedianalaa a God, ma taraꞌena naa maedani muka ngalia na mouria faalu.

³ Gemelu kasi dooria luilana tooa gi uria manata mamanalaa ana a Christ, sulia melu si dooria ta iimola ka ugani gemelu sulia na raoa gemelu.

⁴ Ma lau ana, gemelu melu iili diana ana si kada gi sui, eeri na aabulolaa gemelu ka faatainia gemelu naa na tooa ni rao a God gi. Ma sulia e urinae, melu ka faalamainia na tooa gi gera ka falea na afetailaa baita oro gi fuamelu.

⁵ Ma gera ka rabusi gemelu, ma daka aalu gemelu la beu ni kanilaa, ma daka dumuli gemelu ana ngalungalulaa, ma gemelu ka rao rigita asianaa, ma ana teni si kada gi langi melu si teo ma langi ta fangalaa laugo.

⁶ Ma ana na aabulolaa folaa gemelu, fai nia na haitamadoolaa gemelu, ma na gwaromaabelaa gemelu, ma na aade dianalaa gemelu fuana tooa gi, gemelu faamamana hasa gemelu naa na wane ni raoa a God. Ma na Aanoedoo Aabu fai nia na rakedianalaa gemelu na e mamana, nia ka faatainia laugo.

⁷ Ma na baelaa mamana gemelu fai nia na mamanaa a God laugo, na doo nae gi ka faamamanaa laugo hasa gemelu naa na wane ni raoa a God gi. Haia, na talo gemelu ma na naefe gemelu uria firulaa nia naa na aabulolaa oꞌolo gemelu.

⁸ Teni tooa gi gera manata baita ani gemelu, ma teni tooa e langi. Ma teni tooa gi gera baelafe gemelu, ma teni tooa gera ka bae taꞌa fuamelu. Ma boroi ana gemelu ka bae mamana, teni tooa da haea gemelu naa wane susuge gi go ana.

⁹ Ma boroi ana teni tooa gi gera kasi doori haitamamelu, na tooa oro gi gera ka haitamamelu. Ma sui boroi ana tooa oro gi da doori gemelu ka mae, sui gemelu ka mouri ua. Ma sui boroi ana da falea na kwakwaea fuamelu, langi dasi haungi gemelu.

¹⁰ Ma sui boroi ana teni si doo e faaliobukonu gemelu, gemelu eele go amelu sulia dani. Ma sui boroi ana gemelu siofaa ana doo gi la molaagali, gemelu haitamana melu ka adomia tooa oro gi gera ka rikidoo ana doo gi i langi. Ma sui boroi ana gemelu kasi too ana doo oro gi la molaagali, gemelu too ana doo diana gi sui i langi.

¹¹ Oote ruana diana nau gi na mu too i Korint, na doo afetailaa gi laugo, gemelu kekede naa, ma gemelu langi melu si haufinia na manata gemelu gi faasi gamu.

¹² Langi lau gemelu na melu bokota na rakedianalaa gemelu fuagamu. Ma lau ana, gamu ana naa mu bokota na rakedianalaa gamu fuamelu.

¹³ Nau tara ku faarai fuagamu iilingia gamu na wela nau gi. Haia, ni gamu muka rakediana baita laugo fuamelu iilingia gemelu ka rakediana fuamolu.

Bae aꞌabolaa usia na tooa na langi dasi manata mamana.

¹⁴ Haia, langi musi kani oofu gamu fai gera na tooa langi dasi manata mamana ana a Christ. Sulia na dianalaa ma na taꞌalaa daaro ete teefou. Ma na raralaa e afetai ka too oofu fai nia na rorodoa.

¹⁵ Ma a Christ ma Satan e afetai daaro ka aalua tesi manatalaa. Ma ta iimola na e manata mamana ana a Christ, nia kasi bobola fai nia na iimola na e oote nia ana a Christ.

¹⁶ Ma na Beu Aabu a God, langi si diana fuana ta iimola ka fooasia na nunuidoo gi laugo seenae. Ma i gia na tooa na gia manata mamana, gia gi iilingia na beu aabu a God. Sulia a God e bae urii, <>

¹⁷ Ma a Lord e bae lau urii, <

¹⁸ Ma i nau, a Lord tofungana mamana naa, tara kuka maa fuagamu, ma gamu tara gamu ka wela fuagu gi.>>