TSINGANU 21 - IBIBILIA INDAKATIFU MU LUTIRICHI LWITAKHO NENDE LWISUKHA

¹ Mwoyo ku mwami kuli khuli matsi katsukhulukhanga; Mwami Nyasaye neye ukimililanga shia havundu hosi ha kenyi khutsia.

² Vikholwa viosi viu mundu vilolekhanga khuva vilahi khuye mwene; navutswa Mwami Nyasaye neye umanyi kali mu mwoyo ku mundu.

³ Likhola liu vulunji khandi vwatoto viyaanzitsanga Mwami Nyasaye khuvira khukhola musango.

⁴ Vandu vatamanu vimililwangwa nu vwiloli vwavo nende vusilo, khandi vikholwa viu vwoni.

⁵ Vindu viu mundu wu kholanga muhinzilu ni tsingulu aloshitsanga khukhola vileranga miandu mu vunyishi, navutswa mundu wu kholanga vindu vuchila khuloshitsa akwitsanga mumanani.

⁶ Miandu chiunyolanga khuvirila khu vuvehi chiliitsa khuvwa vwangu yuvu, khali nichishili khukhulerela likhutsa.

⁷ Vindu viu khusalilitsa via vandu vatamanu vakholanga viliitsa khuvativitsa; shichila vayambakhana khukhola vikholwa viu vulunji.

⁸ Vandu vatamanu vakholanga vikholwa viu vukoyanu; navutswa vandu vavula vutamanu vwosi vakholanga likhola liu vulunji.

⁹ Nu vulahi khumenya mumbeka ikulu khushisechese khuvira khusanga inzu nu mukhali wamenya nalembananga.

¹⁰ Mundu mutamanu yikombanga shia khase khosi khukhola vindu vitamanu; khali avulakhu tsimbavasi tsia avelanga mureende wewe.

¹¹ Lwa mundu wi shihenye henye asalilitswangwa, mundu muyiingwa anyolanga vusitsa; lwa mundu uli nu vusitsa yechitswangwa, nalwo lwa anyolanga vucheli.

¹² Nyasaye wi likhola liu vulunji wamanya kali mu tsinzu tsia vandu vatamanu; khandi neye uchilanga vandu vatamanu nivativitswa.

¹³ Mundu wambakhananga khuhulishitsa khuli vamanani valilanga, mwene aliitsa khuvula khuhulishitswa nalilanga.

¹⁴ Shihanwa shiu muvwivisi shikalilanga vurima; navutswa asoya ihaanwangwa muvwivisi, neyo ichilanga vululu nu vuvaho.

¹⁵ Katoto nikamali khwikholekha, vandu vi likhola liu vulunji vali nu vuyaanzi, navutswa vandu vatamanu vaheendanga mwoyo.

¹⁶ Mundu uhaya hayanga munjila yi limanya, aliitsa khunyolekha mu vandu vakhutsa.

¹⁷ Mundu wayaanzililila vindu viu mu shivala shinu aliitsa khukwa mumanani; woyo uli ninganakani yu khulia nu khung'wa shianyala khuva muhinda tawe.

¹⁸ Mundu mutamanu alilerela matiinyu kalivula khukhola mundu wi likhola liu vulunji; khandi vandu vambakhananga khuva vasuuvilwa valiitsa khusalilitswa havukono ha vandu valahi.

¹⁹ Nu vulahi khumenya mu shiangalangwi, khuvira khumenya nu mukhali wayaanza khulembana nu khunyashitsa.

²⁰ Livishilu liu vukuuli vululu litsilililanga khuva munzu mu mundu uli nu vusitsa; navutswa mundu muyiingwa amalanga vwangu miandu chiechie chiosi.

²¹ Mundu wu kholelanga vandi likhola liu vulunji khandi malahi, alahindila nu khuheelwa luyali.

²² Mundu uli nu vusitsa anyala khuvukula litaala lia vandu vi tsingulu, nu khusambulanyinya tsimbinga tsia vasuuvililamu.

²³ Mundu wakalaha mulilomoloma, wacheliha yirulitsanga mu vutiinyu.

²⁴ Manyinya mundu wichinjililanga, ninzi khumanyinyi mundu muyiingwa, mwiloli, khandi uvula lisanditsa.

²⁵ Ka mundu mukaara yikombanga khukhola nako kamwiiranga; shichila wayambakhana muhinzilu kwosi.

²⁶ Vandu vatamanu vikombanga vindu via vandi khulitukhu liosi, navutswa vandu vi likhola liu vulunji vahaananga nu mwoyo kwosi.

²⁷ Musango ku mundu mutamanu akholanga kwasinyu Mwami Nyasaye; kwamusiinya niiva kulalerwa ni tsinganakani tsindamanu.

²⁸ Mushiahidi muvehi aliitsa khutivitswa, navutswa muhulishitsi mulahi aliitsa khuhuchililwa khulomoloma.

²⁹ Mundu muyiingwa yitinyinyanga ali ni ikholo, navutswa mundu wi likhola liu vulunji achelitsanga khulola ndi ukholi vindu vilahi.

³⁰ Nu khuvula khuva nu vusitsa, limanya inoho inganakani yu khukhonywa vivulaho, inyala khukuura Mwami Nyasaye.

³¹ Ifarasi irecheshitswangwa khulitukhu liu khukwana, navutswa Mwami Nyasaye neye uhaananga likuura.