TSABURI 82 - IBIBILIA INDAKATIFU MU LUTIRICHI LWITAKHO NENDE LWISUKHA

Nyasaye Yamihanga Lilova Liosi

¹ Nyasaye neye wikhalilanga shikhaalo shiu mwikulu; mu shituma shia vanyasaye ahaananga inganakani yeye,

² “Nuluhono shina lwa muvukula khukhalachila vandu munjila ikhali yu vulunji nu khuyaanzilila vandu vatamanu?

³ Ukholele vandu vamanani nende vavisandu katoto; urweshitsile vanyashitswanga nende vavisandu ka venyanga kakholwi.

⁴ Uhonyinyi vandu vateteshele nende vavula mundu unyala khuvakhonya; uvahavini khurula khu vandu vatamanu.

⁵ “Muli vandu vayiingwa! Muvula vucheli inoho limanya! Mwamala khukoyana, khandi misinji chi lilova chinuya nuyanga.

⁶ Mbolanga, ‘Muli vanyasaye, munyi voosi muli vaana va Nyasaye Uli Ikulu khu Viosi.’

⁷ Navutswa muliitsa khukhutsa khuli vandu vakhutsanga; nu khukwa hasi khuli mwamihi wosi.”

⁸ Yivi Nyasaye, hamba wamihi vandu voosi khulilova, shichila vandu vi tsimbia tsiosi ni vovo.