Biblia Todo Logo
Bìoball air-loidhne

- Sanasan -

TSABURI 79 - IBIBILIA INDAKATIFU MU LUTIRICHI LWITAKHO NENDE LWISUKHA


Vaisraeli Vasaala Vahonyinywi

1 Yivi Nyasaye, vandu vi tsimbia tsindi vamali khuseera shivala shioshio; vamali khwononyinya Litempeli liolio litakatifu, nu khupomolanyinya litaala likali lia Yerusalemi.

2 Valekha manyonyi nikavootsa mivili chia varumishi vovo, khali tsinyama tsiumbulimu nitsilia mivili chia vandu vovo.

3 Shisahi shiavo shiasuundulwa khuli matsi shia havundu hosi mu Yerusalemi, valaakalamu, mundu avulakhuho unyala khuyeveela mivili chiavo.

4 Vareende veru vakhukholelanga tsisoni; vakhusekhanga ni vakhukholela shihenye henye.

5 Mwami Nyasaye, nuluhono shina? Unyala khutsililila khukhulolela vurima mihika ni mihika? Vurima vwovwo vulatsililila khwakha khuli mulilu khutukha lina?

6 Salilitsa vandu vi tsimbia tsindi, vashili khukhumanya khuvirila mu vurima vwovwo, khandi vwami vwambakhananga khuha lira liolio luyali,

7 shichila navo vativitsa vandu vovo, khali nivayeelitsa nu mulilu havundu hoho ha wumenyanga.

8 Uvuli khukhusalilitsa shichila vwoni vwa vakuuka veru. Ukhuvele tsimbavasi; shichila khuvula lisuuvilitswa liosi.

9 Yivi Nyasaye uhonyinyanga ukhukhonye, khu lira liolio likhuminywi; ukhuhonyinye, ukhusamehe vwoni vweru, shichila lira liolio.

10 Shichila shina vandu vi tsimbia tsindi vareevanga, “Ni hena ha Nyasaye wavo ali?” Leshi khukhulole nuvanzilanga vandu vi tsimbia tsindi, lwa vasuundula shisahi shia varumishi vovo.

11 Hulila khulila khwa vandu vavohwa; uhonyinyi vandu vakhalachilwa likhutsa khuvirila mu tsingulu tsiotsio.

12 Mwami Nyasaye, vanzila hali saba vandu vi tsimbia tsindi, shichila vakhuchaya yivi.

13 Nalwo lwa khutsi, nu khuli vandu vovo vali khuli shiayo shioshio, khuliitsa khukhusanditsa mihika ni mihika; khali khukhwitsominyi khumatukhu koosi.

© The Bible Society of Kenya, 2013

Bible Society of Kenya
Lean sinn:



Sanasan