TSABURI 52 - IBIBILIA INDAKATIFU MU LUTIRICHI LWITAKHO NENDE LWISUKHA

Likhalaka lia Nyasaye nende Tsimbavasi Tsietsie

¹ Mundu wi tsingulu tsinyishi, shichila shina wichinjililanga khu vindu vitamanu, vindu viu khusalilitsa via wakholela vandu va Nyasaye?

² Uloshitsanga khutivitsa vandi; lilomoloma liolio lili khuli luchembe luhuchi, yivi uli ninganakani yu khukhola vindu vitamanu.

³ Wayaanza vindu vitamanu khuvira vilahi, vuvehi khuvira khulomoloma katoto.

⁴ Yivi mundu ukaatanga vandi, wayaanza khusalilitsa vandi na makhuva koko.

⁵ Navutswa Nyasaye aliitsa khukhutivitsa mihika ni mihika; aliitsa khukhukumila khukhurulitsa hango hoho; aliitsa khukhurulitsa mu shivala shia vandu vashili mwoyo.

⁶ Mundu wi likhola liu vulunji aliitsa khukalola naria, aliitsa khukhusekha navoola,

⁷ “Lolikhu kakwila mundu wali niyambakhana khwilushila mu Nyasaye, navutswa yasuuvilila mu vunyishi vu vuhinda vwevwe, khali niyilushila mu miandu chiechie!”

⁸ Navutswa ndi khuli musala muvisi ku musayituni mu inzu ya Nyasaye; suuvililanga mu vuyaanzi vwevwe mihika ni mihika.

⁹ Nyasaye, niitsa khukhusanditsa khumatukhu koosi, shichila vikholwa via wakhola. Niitsa khuhaana vukhumi khu lira liolio mu vandu vovo vasuuvilwa, shichila ni lilahi.