TSABURI 4 - IBIBILIA INDAKATIFU MU LUTIRICHI LWITAKHO NENDE LWISUKHA

Lisaala liu Khulukolovo liu Khureeva Khukhonywa

¹ Nyasaye wu kholelanga likhola liu vulunji, unjipe lwa saalaanga khu yivi! Lwa nali nindi mu vutiinyu, nivi wakhonya. Undolele tsimbavasi nu khuhulishitsa lisaala lianje.

² Vandu munyi, mulatsililila khunyeeka khutukha litukhu shina? Nu luhono shina lwa mutsililila khuyaanza vindu vikhaya, nu khulondelela vuvehi?

³ Khutukha mumanye ndi Mwami Nyasaye wamala khurovola mundu wi likhola liu vulunji khuva wewe, Mwami Nyasaye ambulilanga lwa inzi saalanga khuye.

⁴ Khali numuli nu vurima, muvuli khukhola vwoni; numuli mu tsindolo mukonanga, mwireeve numuhonjeli.

⁵ Mukhole misango chi likhola liu vulunji, mure lisuuvilitsa lienyu mu Mwami Nyasaye.

⁶ Khuliho na vandu vanyishi vasaalanga: “Mwami Nyasaye, khwikombanga ukhuhe tsikhaavi tsinyishi. Ukhukholele malahi!”

⁷ Wanzitsulitsa vuyaanzi vunyishi mu mwoyo kwanje, khuvira vunyishi vwi imu nende idivai ya vandu venavo.

⁸ Niitsa khukona tsindolo, nindi mu milembe; shichila yivi Mwami Nyasaye, nivi wonyene unindanga.