TSABURI 36 - IBIBILIA INDAKATIFU MU LUTIRICHI LWITAKHO NENDE LWISUKHA

Vindu Vitamanu via Vandu Vakholanga

¹ Vwoni vuvoolelanga mundu mutamanu khukhola kali mukari mu mwoyo kwekwe; avulakhu muye mwene shikholwa shiu khuha Nyasaye luyali.

² Yivukulanga mwene khuva mukali, akanakananga ndi vwoni vwevwe vuvulakhu khuli vunyala khumanyikhana nu khukaywa.

³ Lilomoloma lielie ni litamanu khandi liu vuvehi; walekha khurumishila vusitsa, khali khukhola malahi.

⁴ Khali nakoni khu shitali aloshitsanga khukhola vindu vitamanu; walekhana ni likhola lilahi, avulakhu khuli anyala khulekhana nu vutamanu.

Khuli Nyasaye ali Mulahi

⁵ Mwami Nyasaye, vuyaanzi vwovwo vwi mihika ni mihika vutukhanga khu likulu; khali vusuuvilwa vwovwo khu malesi.

⁶ Vulunji vwovwo vuli khuli vikulu viraambi; katoto koko kali khuli luliiva lwi inyanza; Mwami Nyasaye, nivi ulindanga vandu nende tsinyama tsiumbulimu.

⁷ Nyasaye, vuyaanzi vwovwo vwi mihika ni mihika nu vunyishi muno! Vandu vilushilanga mu shinini shi tsimbaha tsiotsio.

⁸ Valiitsanga khu vunyishi vwi shiukhulia shiu munzu mwomwo; nivi uchilanga nivang'wa vindu viovio vilahi khuli matsi ku mu muchela.

⁹ Nivi shirula shiu vulamu vwosi, khuvirila mu vulavu vwovwo khulolanga vulavu.

¹⁰ Utsililile khuyaanza yavo vakhumanya; ukholele vandu vali ni mioyo milahi vindu viu vulunji.

¹¹ Uvuli khulekhakhu vandu vilola khuseera inzi, inoho vandu vatamanu khunzilukhanyinya.

¹² Lolakhu khuli vandu vatamanu vakwa. Vasiuvwa hasi, vakhaywa khusinjila!