TSABURI 3 - IBIBILIA INDAKATIFU MU LUTIRICHI LWITAKHO NENDE LWISUKHA

Lisaala liu Mumavwevwe Khwenya Khukhonywa

¹ Mwami Nyasaye, ndi na vatsiku vanyishi, ni vanyishi vangwananga!

² Vanyishi valomolomanga makhuva khwinzi nivavoola, “Nyasaye wayambakhana khumukhonya.”

³ Navutswa yivi Mwami Nyasaye, uli khuli ingavo yanje yukhuninda, nivi uli khuli vukhumi vwanje nundinyinya ikholo.

⁴ Ndilanga tsikhwili khu Mwami Nyasaye akhonye, manjipa khurula mu shikulu shieshie shitakatifu.

⁵ Ngonanga hasi tsindolo tsingumila; mbukhanga nuvwakhashia, shichila yivi Mwami Nyasaye unindanga.

⁶ Shinyala khuria vatsiku mu tsiheelefu vambotokhananga mu tsimbeka tsiosi tawe.

⁷ Hamba, Mwami Nyasaye! Nyasaye wanje, umali khuhonyinya! Nivi wu salilitsanga vatsiku vaanje voosi, khali utivitsa tsingulu tsia vandu vatamanu.

⁸ Lihonyinya lirulanga khu yivi Mwami Nyasaye; kasitsa vandu vovo.