Biblia Todo Logo
Bìoball air-loidhne

- Sanasan -

TSABURI 15 - IBIBILIA INDAKATIFU MU LUTIRICHI LWITAKHO NENDE LWISUKHA


Ka Nyasaye Yenyanga

1 Mwami Nyasaye, ni viina unyala khumenya mu Litempeli liolio? Ni viina unyala khusaala khu shikulu shioshio shitakatifu shia Sayoni?

2 Nu mundu ulondanga ka Nyasaye yenyanga mu shia shindu shiosi khandi shia khase khosi akholanga likhola liu vulunji, uvoolelanga mureende wewe makhuva katoto nu mwoyo mulala,

3 walekha khumoonya vandi. Shiakholelanga valina veve vindu vitamanu inoho khulanditsa tsimbemba khulondokhana khu vareende veve tawe.

4 Mundu mwenoyo achayanga vandu va Nyasaye yambakhana, navutswa aheetsanga yavo valondanga malako ku Mwami Nyasaye luyali. Mundu mwenoyo arweshitsanga ka yisuuha, khali niiva avirilanga mu vutiinyu.

5 Mundu mwenoyo yikopitsanga mundu tsisenti vuchila khwenyelakhu vukhala, khandi shiavukulanga asoya khuvoola vuvehi khunyashitsa vandu vavula vutamanu tawe. Mundu wu kholanga vindu khuli vienevo aliitsa khumenya mu vulindi vulahi.

© The Bible Society of Kenya, 2013

Bible Society of Kenya
Lean sinn:



Sanasan