TSABURI 149 - IBIBILIA INDAKATIFU MU LUTIRICHI LWITAKHO NENDE LWISUKHA

Lwimbo lu Khwitsominya Mwami Nyasaye

¹ Mwami Nyasaye yitsominywi! Mwimbile Mwami Nyasaye lwimbo luyia; mumwitsominyile mu shikhaalo shia vandu veve vasuuvilwa!

² Munyi Vaisraeli, musangale shichila Muloonji wenyu; vandu va Sayoni, mwikhoye shichila mwami wenyu!

³ Mwitsominye lira lielie numusieva; khali numukhuva vukhana vwi tsindumba nende vilili.

⁴ Mwami Nyasaye ayaanzililanga vandu veve; neye uchilanga vandu vateteshele nivakuura.

⁵ Vandu vasuuvilwa vikhoyele mu vukhumi vwevwe; khali vikhoyele mu tsinyimbo nivakoni vutukhu vwosi.

⁶ Valaanjilile ikulu lwa vitsominyanga Nyasaye, nivakumile vivavi viuchi tsimbeka tsiosi mu makhono kavo,

⁷ khuvanzila vandu vi tsimbia tsindi, khusalilitsa vandu vakorwa Nyasaye;

⁸ khuvoha vami vavo ni minyololo, vimilili vavo na masili ki vivia;

⁹ khusalilitsa vandu vi tsimbia tsindi khuli Nyasaye yali niyaviritsa! Yuvu navwo vukhumi vwa vandu vasuuvilwa voosi. Mwami Nyasaye yitsominywi!