TSABURI 130 - IBIBILIA INDAKATIFU MU LUTIRICHI LWITAKHO NENDE LWISUKHA

Lisaala liu Khwenya Khukhonywa

¹ Mwami Nyasaye, nimali khutukha khushihakamo, ndilanga tsikhwili khu yivi.

² Mwami Nyasaye, hulila mwoyo kwanje! Uhulishitsi lisaala lianje liu khwenya ukhonye!

³ Niiva yivi Mwami Nyasaye wakhitsushitsi vwoni vweru, Mwami Nyasaye, ni viina wakhatsililile khuva mwoyo?

⁴ Navutswa nivi wakhusemeha, khu khukhuhe luyali.

⁵ Nindililanga nu mwoyo kwosi Mwami Nyasaye khukhonya, khali ndi ni lisuuvilitswa mu likhuva lielie.

⁶ Nindililanga nu mwoyo kwosi khulola Mwami Nyasaye, khuvira lwa valindi valindanga khulola mu mavwevwe nuvushele.

⁷ Yivi Israeli, ure lisuuvilitswa liolio mu Mwami Nyasaye; shichila vuyaanzi vu Mwami Nyasaye nu vwi mihika ni mihika; neye uli ni tsingulu tsinyishi tsiu khuhonyinya.

⁸ Neye uliitsa khuhonyinya Vaisraeli khurula mu vwoni vwavo vwosi.