TSABURI 127 - IBIBILIA INDAKATIFU MU LUTIRICHI LWITAKHO NENDE LWISUKHA

Vindu Viosi Virulanga khu Mwami Nyasaye

¹ Mwami Nyasaye nakhumbashe inzu, vumbashi vachiumbakhanga vakholanga mihinzilu mu shikhaya. Mwami Nyasaye nakhalindi litaala likali, valindi valilindanga vakholanga mihinzilu mu shikhaya.

² Munyakhananga mu shikhaya lwa muvukhanga mu mavwevwe khali mucheleva khukona tsindolo, khukhola mihinzilu chiu khukhava shiukhulia shienyu. Mwami Nyasaye aheetsanga yavo vayayaanza, khali nivakonanga tsindolo.

³ Vaana ni shihanwa shirulanga khu Mwami Nyasaye; vaana ni tsikhaavi tsieru tsiatoto.

⁴ Vaana vi shiyayi vu mundu yivula nashili muvukha vali khuli mivanu mu mukhono ku musikali.

⁵ Ali ni ikhaavi mundu uli ni mivanu mu vunyishi khuli chienecho. Shianyala khukuurwa lwa ayaalananga na vatsiku veve mushiina tawe.