TSABURI 126 - IBIBILIA INDAKATIFU MU LUTIRICHI LWITAKHO NENDE LWISUKHA

Lisaala liu Khuhonyinywa

¹ Lwa Mwami Nyasaye yakalushitsa vavohe mu Sayoni, kalolekhanga khuli ni malooro vutswa.

² Nalwo lwa khwasekha, nu khwimba tsinyimbo tsiu vuyaanzi; khali vandu vi tsimbia tsindi nivavoola, “Mwami Nyasaye umali khuvakholela vindu vi tsingulu.”

³ Ni kilikali, Mwami Nyasaye wakhukholela vindu vi tsingulu; khali khusangalanga.

⁴ Yivi Mwami Nyasaye, khukalushitsi khuli khwavetsanga, khuli imbula ikhuvanga matsi nikatsia mu luhoongo lwakhaama.

⁵ Yavo varaaka viraakwa nivalilanga miliika, valiitsa khuchesa nivayaanzi!

⁶ Yavo vali nivachinji vukuutsa nivalilanga, valiitsa khukalukha nivimbanga tsinyimbo tsiu vuyaanzi, lwa valeranga ingo vivoho vi imu ya vachesi.