TSABURI 125 - IBIBILIA INDAKATIFU MU LUTIRICHI LWITAKHO NENDE LWISUKHA

Khuli Nyasaye Alindanga Vandu veve

¹ Yavo vasuuvililanga mu Mwami Nyasaye vali khuli Shikulu shia Sayoni, shinyala khuvula khusuundiwa, navutswa shiliho mihika ni mihika.

² Khuli vikulu viavotokhana litaala likali lia Yerusalemi, nindio khandi Mwami Nyasaye akhumbelelanga vandu veve, nunundi khandi mihika ni mihika.

³ Vandu vatamanu shivaliitsa khwamiha shivala shia vandu vi likhola liu vulunji tawe; niiva valiitsa khwamiha, vandu vi likhola liu vulunji valiitsa khukhola vindu vitamanu.

⁴ Mwami Nyasaye, kholela vandu valahi malahi, khali yavo vali ni mioyo milahi!

⁵ Navutswa lwa wu salilitsanga vandu vatamanu, salilitsa khali yavo vakholanga vindu vitamanu. Milembe chive mu Israeli!