TSABURI 124 - IBIBILIA INDAKATIFU MU LUTIRICHI LWITAKHO NENDE LWISUKHA

Nyasaye Alindanga Vandu Veve

¹ Niiva Mwami Nyasaye yakhavuli khuva na khutsi, nu vulahi Vaisraeli nivavooli!

² “Niiva Mwami Nyasaye yakhavuli khuva na khutsi, lwa vatsiku veru vakhukwana,

³ ni kilikali, vakhakhumali nu khushili mwoyo, lwa vali nivakhulolele vurima vululu;

⁴ ni kilikali, michelelo chia matsi kakhakhuhilane, khwali khwakhunikhwa ni michela;

⁵ imbula inyishi yakhakhuhilane khwativitswa.”

⁶ Khusanditsi Mwami Nyasaye, wakhuhonyinya khurula khu vatsiku veru.

⁷ Khumali khwihonolokha khuli linyonyi khurula mu mureeko ku muhiitsi; mureeko kweru kwakutuukha, navutswa khumali khwahonyinywa!

⁸ Vukhonyi vweru vurulanga khu Mwami Nyasaye, waloonga likulu nende lilova.