Biblia Todo Logo
Bìoball air-loidhne

- Sanasan -

TSABURI 122 - IBIBILIA INDAKATIFU MU LUTIRICHI LWITAKHO NENDE LWISUKHA


Vandu va Yerusalemi Vasaalilwa

1 Nasangala lwa vambolela, “Hambi khwinjile mu inzu yu Mwami Nyasaye.”

2 Khuli hanu nunundi, khusinjile mu vilivwa viovio yivi Yerusalemi!

3 Yivi Yerusalemi, nivi wa vumbakha vuyia khuva litaala likali, liakasa vulahhi muno khandi lialindwa ni tsingulu.

4 Naho ha vandu vi tsimbia vakanilanga, nivali vandu vi tsimbia tsiu Mwami Nyasaye, khwitsa khusanditsa Mwami Nyasaye, khulondokhana khu lilako lielie lia yali niyahaana khu Vaisraeli.

5 Nalio li visoko viukhukhalachila katoto viarechekhwa, visoko viu vwami via vandu vi inzu ya Daudi.

6 Musaale milembe chinyolekhane mu Yerusalemi! “Yavo voosi vakhuyaanza vahindahale!

7 Nzikombanga ndi mumenye mu milembe mu masisi kenyu, mu vulindi vulahi mu minaara chienyu!”

8 Havukono ha vasuuvili vashianje nende valina vaanje, “Navoola, ‘Mumenye mu milembe!’ ”

9 Havukono ha inzu yu Mwami Nyasaye, uli Nyasaye weru, Mwenyelanga munyole vuhinda!

© The Bible Society of Kenya, 2013

Bible Society of Kenya
Lean sinn:



Sanasan