TSABURI 1 - IBIBILIA INDAKATIFU MU LUTIRICHI LWITAKHO NENDE LWISUKHA

¹ Ali ni ikhaavi mundu ukhalondanga inganakani ya vandu vatamanu, khandi uvula khusanga mu mwima kwa vooni, inoho khwikhala mu shikhaalo shia vandu vi shihenye henye.

² Navutswa ayaanzililanga malako ku Mwami Nyasaye, nako ka aparakhu shia vutukhu nu mbasu.

³ Mundu mwenoyo ali khuli musala kwaraakwa himbi khu muchela kwa matsi, kwamanga matunda mu tsinyinga tsiakwo khali masambu kakwo shikanyala khuniala tawe. Wakasitswa mu shia shindu shiosi shia akholanga.

⁴ Navutswa shikali nikario khu vandu vatamanu tawe; vali khuli ikhulio yu vushindu vuhuutsanga.

⁵ Vandu vatamanu shivaliitsa khusinjila mushiina khuyaalwa, inoho vooni khwikhala mu shikhaalo shia valunji tawe;

⁶ shichila Mwami Nyasaye wamanya likhola lia vandu vi likhola liu vulunji, navutswa likhola lia vandu vatamanu liliitsa khutivitswa.