NEHEMIA 7 - IBIBILIA INDAKATIFU MU LUTIRICHI LWITAKHO NENDE LWISUKHA

¹ Lwa lisisi liali niliakhumbakhwa, nimali khuvikha miliango ha chienyekhanga chive, valindi vi vilivwa, vandu vu khwimba tsinyimbo, nende vandu valala khurula mu vandu vu lwivulu lwa Levi varovolwa,

² narovola amwavo wanje Hanani khusinjilila litaala likali lia Yerusalemi, halala na Hanania, wali nali gavana wi imbinga ya Yerusalemi, shichila yali mundu musuuvilwa, khandi yali waha Nyasaye luyali khuvira vandu vanyishi.

³ Navavoolela, “Vilivwa via Yerusalemi vikhikulwa liuva nilishili khwakha vululu tawe. Lwa valindi vi vilivwa valiitsa khuva nivashilindanga, nalwo lwa vikala vilivwa ni milondi. Mularovola valindi khurula mu vandu va Yerusalemi, valala valiitsa khuva havundu ha vasinjilanga nivalinda, na vandi imbeli wi tsinzu tsiavo vene.”

Mira ka Vandu Vakalukha Khurula mu Vuhaambe

⁴ Litaala likali liali liakalama khandi livambalalu muno, navutswa isavu indititi ya vandu vonyene vamenyamu, khandi tsinzu shitsiali tsia yumbakhwamu tawe.

⁵ Nyasaye yanzuva mu mwoyo kwanje khulaanga halala vimilili nende varumishi va vandu kwihandikitsa mira kavo khulondokhana khu lwivulu lwavo vene. Nanyola shitabu shia mira kavo vali vu khuraanga khukalukha khurulayo, ninyola mira yaka nikahandikwa mushio:

⁶ Vandu vanyishi khu yavo, vali nivahilwa mu vuhaambe varula mu lusomo lwa Babilonia, nivakalukha Yerusalemi nende Yuda, shia mulala natsia mu litaala liavo. Vandu vi tsinzu tsiavo vali nivamenyanga mu vuhaambe mu Babilonia, khuraanjila khulitukhu liu Mwami Nebukadineza yali niyavahilayo khuva vavohe.

⁷ Vitsayo na Zerubabeli, Yeshwa, Nehemia, Azaria, Rahamia, Nahamani, Modekai, Bilishani, Misiperetsi, Bigivai, Nehumu, nende Bahana. Iyi nayo isavu ya Vaisraeli voosi khulondokhana khu lwivulu lwavo:

⁸ Vitsukhulu va Paroshi, vali tsiheelefu tsivili imia indala na makhomi saba na vavili;

⁹ va Shefatia vali tsimia tsivaka makhomi saba na vavili;

¹⁰ va Ara vali tsimia sita makhomi karanu na vavili;

¹¹ va Pahatsi-moabu, nivali vitsukhulu va Yeshwa nende Yohabu, vali vandu tsiheelefu tsimia tsivili tsimia munane likhomi na munane;

¹² va Elamu vali vandu iheelefu indala tsimia tsivili makhomi karanu na vane;

¹³ va Zatu vali vandu tsimia munane makhomi kane na varanu;

¹⁴ va Zakai vali vandu tsimia saba na makhomi sita;

¹⁵ va Binuhi vali vandu tsimia sita makhomi kane na munane;

¹⁶ va Bebai vali vandu tsimia sita makhomi kavili na munane;

¹⁷ va Azigadi vali vandu tsiheelefu tsivili tsimia tsivaka makhomi kavili na vavili;

¹⁸ va Adonikamu vali vandu tsimia sita makhomi sita na saba;

¹⁹ va Bigivai vali vandu tsiheelefu tsivili makhomi sita na saba;

²⁰ va Adini vali vandu tsimia sita makhomi karanu na varanu;

²¹ va Ateri, nivali vitsukhulu va Hezekia, vali vandu makhomi tisa na munane;

²² va Hashumu vali vandu tsimia tsivaka makhomi kavili na munane;

²³ va Bezai vali vandu tsimia tsivaka makhomi kavili na vane;

²⁴ va Harifu vali vandu imia indala likhomi na vavili;

²⁵ va Gibioni vali vandu makhomi tisa na varanu.

²⁶ Vandu va mataala ka Betselehemu nende Netofa, vali vandu imia indala makhomi munane na munane;

²⁷ Vandu va mataala ka Kiriatsi-yeharimu, Kefira nende Beherotsi, vali vandu tsimia saba makhomi kane na vavaka;

²⁸ vi litaala lia Betsi-mavetsi vali vandu makhomi kane na vavili;

²⁹ mu mataala ka Kiriatsi-yeharimu, Kefira, nende Beherotsi, vali vandu tsimia saba makhomi kane na vavaka;

³⁰ mu mataala ka Raama nende Geba, vali vandu tsimia sita makhomi kavili na mulala;

³¹ vi litaala lia Mikimashi vali vandu imia indala makhomi kavili na vavili;

³² mu mataala ka Betseli nende Ai, vali vandu imia indala makhomi kavili na vavaka;

³³ mu litaala lia Nebo, yavo vamenyanga haundi, vali vandu makhomi karanu na vavili.

³⁴ Vitsukhulu vali nivarikala mu litaala lia Elamu, vali vandu iheelefu indala tsimia tsivili makhomi karanu na vane;

³⁵ vi litaala lia Harimu vali vandu tsimia tsivaka makhomi kavili;

³⁶ vi litaala lia Yeriko vali vandu tsimia tsivaka makhomi kane na varanu;

³⁷ vamenyanga mu mataala ka Lodi, Hadadi, nende Ono, vali vandu tsimia saba makhomi kavili na mulala;

³⁸ vi litaala lia Senaha vali vandu tsiheelefu tsivaka tsimia tisa na makhomi kavaka.

³⁹ Yaka nako kali mira ka vasalisi: vitsukhulu va Yedaya, nivali vu lwivulu lwa Yeshwa vali vandu tsimia tisa makhomi saba na vavaka;

⁴⁰ vitsukhulu va Imeri vali vandu iheelefu indala makhomi karanu na vavili;

⁴¹ vitsukhulu va Pashuri vali vandu iheelefu indala tsimia tsivili na makhomi kane na saba;

⁴² vitsukhulu va Harimu vali vandu iheelefu indala likhomi na saba.

⁴³ Yaka nako mira ka vandu varulanga mu vandu vu lwivulu lwa Levi: vitsukhulu va Yeshwa, nivali yavo varulanga mu vandu vu lwivulu lwa Kadimieli va Hodavia yivula, vali vandu makhomi saba na vane;

⁴⁴ yaka nako mira ka vandu vimbanga tsinyimbo: vitsukhulu va Asafu vali vandu imia indala makhomi kane na munane;

⁴⁵ Yaka nako mira ka valindi vi vilivwa: vitsukhulu va Shalumu, Ateri, Talumoni, Akubu, Hatita, Shobai vali vandu imia indala makhomi kavaka na munane.

⁴⁶ Yaka nako mira ka varumishi vakholanga muhinzilu mu Litempeli: vitsukhulu va Ziha, Hasufa, Tabahotsi,

⁴⁷ Kerosi, Sia, Padoni,

⁴⁸ Lebana, Hagaba, Shalamai,

⁴⁹ Hanani, Gideli, Gahari,

⁵⁰ Rehaya, Rezini, Nekoda,

⁵¹ Gazamu, Uza, Paseha,

⁵² Besai, Mehunimu, Nefushesimu,

⁵³ Bakubaku, Hakufa, Haruharu,

⁵⁴ Bazilitsi, Mehida, Harisha,

⁵⁵ Barukosi, Sisera, Tema,

⁵⁶ Nezia, nende Hatifa.

⁵⁷ Yaka nako mira ka vitsukhulu va varumishi va Solomoni: Sotai, Soferetsi, Perida,

⁵⁸ Yahala, Darukoni, Gideli,

⁵⁹ Shefatia, Hatili, Pokeretsi-hazebahimu, nende Amoni.

⁶⁰ Isavu yosi ya varumishi vi Litempeli nende vitsukhulu va Solomoni, vali vandu tsimia tsivaka makhomi tisa na vavili.

⁶¹ Yaka nako mira ka vandu varula mu mataala ka Tele-mela, Teli-harisha, Kerubi, Adoni, nende Imeri, navutswa shivali vamanya ni vanga viina vakuuka vavo inoho ni vitsukhulu va vanga viina nikava shivali va Vaisraeli tawe:

⁶² vitsukhulu va Delaya, Tobia, nende Nekoda vali vandu tsimia sita makhomi kane na vavili.

⁶³ Yaka nako mira ka vandu varula mu vasalisi: vitsukhulu va Hobahiya, Hakozi, Barazilai (wali niyahila mulala khu vaana vi shikhana va Barazilai, mundu warulanga mu lusomo lwa Gileadi, nakulikhwa lira liavo.)

⁶⁴ Vandu venavo vakhavilitsa mira kavo mu vitabu vi tsinzivulu tsiahandikwamu, navutswa shivakanyolamu tawe; khulwa yako, vambakhana khuvavalitsa mu vandu varulanga mu vandu vu lwivulu lwa vasalisi, shichila valolekhanga khuva voneshe.

⁶⁵ Gavana yavakaya khuvula khuliakhu shiukhulia shitakatifu, nivashili khulola musalisi wurumishilanga Urimu nende Tsumimu.

⁶⁶ Isavu ya vandu voosi yali vandu tsiheelefu tsimia tsine na vavili tsimia tsivaka na makhomi sita;

⁶⁷ khuvula khumeetakhu varukwa vavo vasatsa nende vakhali vavetsanga isavu ya vandu tsiheelefu saba tsimia tsivaka makhomi kavaka na saba; khwaliho khandi na vandu vasatsa nende vakhali tsimia tsivili makhomi kane na varanu, nivali vandu vimbanga tsinyimbo.

⁶⁸ Khwaliho ni tsifarasi tsimia saba makhomi kavaka na sita, tsisushili tsiheelefu tsimia tsivili makhomi kane na tsiranu,

⁶⁹ tsingamia tsimia tsine makhomi kavaka na tsiranu nende tsipunda tsiheelefu sita tsimia saba na makhomi kavili.

⁷⁰ Valala khu vimilili va vakuuka vi tsinzivulu tsienetso, vakhonyana muhinzilu kwenoko. Gavana yahila mu livishilu itsahabu tsikilo munane, tsingalayi makhomi karanu, nende tsikaanzu tsimia tsiranu na makhomi karanu tsia vasalisi.

⁷¹ Valala khu vimilili vi tsinzivulu tsia vakuuka vahila mu livishilu liu khumbakha itsahabu tsikilo 168 khandi ifetsa tsikilo 1,250.

⁷² Vandu vali nivarikala vahaana itsahabu tsikilo 168, ifetsa tsikilo 140, khandi tsikaanzu tsia vasalisi 167.

⁷³ Vasalisi, vandu vu lwivulu lwa Levi, valindi vi vilivwa, vandu vimbanga tsinyimbo, valala khu vandu valiho, varumishi vi Litempeli, nende Vaisraeli valala vamenya vene mu mataala kavo. Lwa mweli kwa saba kwatukha, Vaisraeli vamenya vene mu mataala kavo.