NEHEMIA 10 - IBIBILIA INDAKATIFU MU LUTIRICHI LWITAKHO NENDE LWISUKHA

¹ Mundu wali wu khuraanga khutuuyakhu muhuuli kwekwe yali Gavana Nehemia mwana wa Hakalia; khali Zedekia natuuyakhu khandi muhuuli kwekwe.

² Seraya, Azaria, Yeremia,

³ Pashuri, Amaria, Malukiya,

⁴ Hatushi, Shebania, Maluki,

⁵ Harimu, Meremotsi, Obadia,

⁶ Danieli, Ginetsoni, Baruku,

⁷ Meshalumu, Abiya, Miyamini,

⁸ Mahazia, Biligai, nende Shimeya. Navo vali vasalisi.

⁹ Vandu vuluhia lwa Levi vali Yeshwa mwana wa Azania, Binuhi wali mulala khu vaana va Henadadi, Kadimieli,

¹⁰ nende vakhonyani vavo, Shebania, Hodia, Kelita, Pelaya, Hanani,

¹¹ Mika, Rehobu, Hashabia,

¹² Zakuri, Sherebia, Shebania,

¹³ Hodia, Bani nende Beninu.

¹⁴ Vimilili va vandu vali Paroshi, Pahatsi-moabu, Elamu, Zatu, Bani,

¹⁵ Buni, Azigadi, Bebai,

¹⁶ Adoniya, Bigivai, Adini,

¹⁷ Ateri, Hezekia, Azuri,

¹⁸ Hodia, Hashi imu, Bezai,

¹⁹ Harifu, Anatsotsi, Nebai,

²⁰ Megipiashi, Meshulamu, Heziri,

²¹ Meshezabeli, Zadoko, Yaduha,

²² Pelatia, Hanania, Hashubu,

²³ Hosheha, Hanani, Anaya,

²⁴ Haloheshi, Piliha, Shobeki,

²⁵ Rehumu, Hashabuna, Maseya,

²⁶ Ahiya, Hanani, Anani,

²⁷ Maluku, Harimu nende Bahana.

Lilakano

²⁸ Vandu vandi voosi vali nivarikala nivali vasalisi, vandu vu lwivulu lwa Levi, valindi vi shilivwa, vandu vimbanga tsinyimbo, varumishi vakholanga muhinzilu mu Litempeli, khandi yavo voosi vali niviyahula vene khurula khu vandu vi tsimbia tsindi, khulonda malako ka Nyasaye, vakhali vavo, vaana vavo vi shiyayi, vaana vavo vi shikhana, vandu voosi vacheliha khandi vali ni limanya,

²⁹ voosi viyunga na veshie, nivisuuha khuva hasi hi shilaamo, niiva valameneka Malako ka Musa, wali murumishi wa Nyasaye yavaha; khandi ndi valiitsa khurweshitsa nu khukhola koosi ka Malako ku Mwami Nyasaye, uli Nyasare weru yenyanga kakholwi; khandi khulonda mechitso keke nende mivaalo keke koosi.

³⁰ Shiukhutsitsanga khuvekha vaana vi shikhana veru khu vaana vi shiyayi va vandu vi tsimbia tsindi, vamenyanga mu shivala shinu inoho khuvekha vaana vi shiyayi veru khu vaana vi shikhana vavo tawe.

³¹ Niiva vandu venavo valakuulitsa khu khutsi imu inoho shindu shindi shiosi, khulitukhu li Lisabato inoho khulitukhu lindi liosi litakatifu, khulambakhana khukuula khuvo. Shiukhutsitsanga khuraakakhu shindu shiosi mu milimi chieru, khumuhika kwa saba inoho khutaayakhu makoovi keru tawe.

³² Khulavukula vwiyangu vu khuhaana khandi khu shia muhika ifetsa tsiguramu 5 khukhonyana khurunga vukuuli vwi vindu vienyekhanga khurumikha mu Litempeli lia Nyasaye weru.

³³ Vindu via khuhaana havundu ha vasaalilanga khu Mwami Nyasaye nu mukati mutakatifu, shihanwa shi imu ya vuli khase khosi, shihanwa shiu khusambwa vuli khase khosi; shihanwa shitushili khulitukhu li Lisabato, shihanwa shiu Milukha chiu Mweli Khwilavushitsa Vuyia, shihanwa shi milukha chiaviritswa, vihanwa vitakatifu, vihanwa viu khurulitsaho vwoni vwa Vaisraeli, khandi vihanwa viu muhinzilu kwosi kukholekhanga mu Litempeli lia Nyasaye weru

³⁴ Khutsi, vandu, vasalisi, nende vandu vu lwivulu lwa Levi khulakhuva ikura khu shia muhika, khwenya khumanya ni tsinzivulu shina tsitsitsanga khuhaana misala chiu khusambila misango chihaanwangwa khu Mwami Nyasaye, uli Nyasaye weru, khulondokhana khuli Malako kenyanga.

³⁵ Khuvukulanga khandi vwiyangu vu khuhila mu Litempeli liu Mwami Nyasaye, uli Nyasaye weru shihanwa shi imu yu khuraanga khuchesa mu milimi chieru, khandi shihanwa shia matunda ku khuraanga khwenga khu misala chieru.

³⁶ Khulahila khandi khu vasalisi varumikhanga mu Litempeli lia Nyasaye weru, mwana wi shiyayi mukhulundu mu vaana veru vi shiyayi voosi inoho shimoli shiukhuraanga khwivulwa shi ing'ombe, shimeme shiukhuraanga khwivulwa shi likondi, shimeme shiukhuraanga khwivulwa shi imbuli, khuli Malako kenyanga kakholwi.

³⁷ Khulahila mu Litempeli lia Nyasaye weru, shinokho shialombwa khu imu yu khuraanga khucheswa khu shia muhika, khandi shihanwa shieru shindi shi idivai, makura ku musayituni, nende matunda kandi koosi lukanu. Khulahila khu vandu vu lwivulu lwa Levi, vasololanga injeso mu milimi chieru, injeso khurula khu viraakwa vimeelanga mu milimi chieru.

³⁸ Musalisi wosi, urulanga mu vitsukhulu va Haruni, aliitsa khuva na vandu vu lwivulu lwa Levi, lwa va nivanyolanga itsaka; khandi vandu vu lwivulu lwa Levi venavo valiitsa khuhila shitonye shilala shi likhomi khu itsaka yeneyo mu Litempeli lia Nyasaye weru, khandi mu tsinzu tsi livishilu li vindu;

³⁹ shichila Vaisraeli nende vandu vu lwivulu lwa Levi, valiitsa khulera vihanwa viavo vi imu, idivai, makura ku musayituni mu tsinzu tsi livishilu li vindu, Havundu Hatakatifu ha vavikhanga, khandi havundu ha vasalisi varumikhanga, valindi vi shilivwa nende vandu vimbanga tsinyimbo vamenyanga. “Shiukhunyala khwivilila inzu ya Nyasaye weru tawe.”