AYUBU 17 - IBIBILIA INDAKATIFU MU LUTIRICHI LWITAKHO NENDE LWISUKHA

Ayubu Yililila khu Nyasaye

¹ Mbwele tsingulu, vulamu vwanje vuli himbi khuvwa; likhutsa nalio liandikale nalio.

² Ni kilikali, vakholi vi shihenye henye vambotokhane; kalolekhanga havulavu khuli vakholelanga shihenye henye.

³ “Yivi Nyasaye, nuyaanza ndunjila murungu khumbohololwi; mundu alikhuho unyala khukholela kenako?

⁴ Lwa wavikalila limanya, lekha khuvaha tsingulu tsiu khungura.

⁵ Niiva mundu alatsama valina veve shichila khurungwa, vaana veve valiitsa khunyakhana khurulana khu kenako.

⁶ “Wakhola khuva shindu shia vandu vaseshelelanga, ndi mundu wa vandu vasutsilanga maree.

⁷ Khaywangwa khulola, shichila navelelitswa mu mwoyo, viungu vianje viu mmbili viakwa khuli shinini.

⁸ Vandu valahi vachenyelanga kenako; khali vandu vavula vutamanu vwosi vali nu vurima shichila vandu vatamanu.

⁹ Khali ndio, mundu wi likhola liu vulunji atsilililanga khukhola likhola liu vulunji, khandi mundu wi likhola lilahi atsilililanga khunyola tsingulu.

¹⁰ Navutswa munyi hambi, hambi voosi, mundu uli nu vusitsa shianyala khunyolekhakhu mu munyi tawe.

¹¹ Matukhu kaanje kamali khuvwa; nakhaywa khurweshitsa ka nganakananga kakholwi; likomba liu mu mwoyo kwanje liakora.

¹² Valina vaanje vakalukhanyinya vutukhu khukwa mbasu; vavoolanga, ‘Vulavu vwasasana ni shisuundi.’

¹³ Niiva shihatisi nayo inzu yanje, niiva naala vukono vwanje vukhukonakhu mu shisuundi;

¹⁴ Niiva navoolela vwina, ‘Nivi neye tata wanje,’ na inyende, ‘Uli mama wanje,’ inoho ‘Mbotso wanje,’

¹⁵ Ni hena ha lisuuvilitswa lianje lili? Ni viina uliitsa khulola lisuuvilitswa lianje lienelo?

¹⁶ Liliitsa khutsia hasi mu shihatisi? Nyala khuyeveelwa nalio mu shilindwa?”