Zabuli 82 - Luganuzi Luswanu Kuli Wanhu Wose 2002

Mulungu yo mutemi we lilumbo

¹ Mulungu yo muwaha we libalaza lya ku wulanga, mwene kalamulaga hagati ye milungu.

² “Lecelenyi lukulu ning'aniza, yono si yili ling'ani! Kanyhi mulecele lukulu kuwahijila mbejele, no kuwendeza iwabi!

³ Watetelenyi wono wasoceye, hamonga ne wana wono wasina walezi, muwanozeze ling'ani waciwa na wono wasina cinji.

⁴ Waponyenyi wono wasoceye hamonga ne waciwa, muwakomboze mu miwoko ya wono wakuwewonela.”

⁵ “Ninga 'nye hamba si mukutanga, hamba kwizuka yaye! Anye mwikalilaga mu wubocela mafupo du, mwayihodanga sunga ne ling'ani yose mononze!

⁶ Ane nghatya, ‘Yo nyenye milungu, anye wose muli wana wo Mulungu, Mono Yalawiliciye.’

⁷ Ninga hamba yiwe nhavivyo, nanye mofwa du, nhe wanhu wanji wose, no wumi wenyu woduma, nha vyono wudumaga wumi we watemi wose.”

⁸ Gwe go Mulungu, wuze wuyiling'anize yinze, hambi i makungugo gose, nha sawo yako gwegwe.