Zabuli 14 - Luganuzi Luswanu Kuli Wanhu Wose 2002

U wubi we wanhu

(Kuli mwimbizi: Zabuli ya Dawudi)

¹ I walele welonjelaga caka wakutya, “Hasina Mulungu.” Wose wahodanji, wetuma zinghani ze cikomaza, holeka hasina hamba monga mono yakwituma ziswanu.

² U Muwaha Mulungu yakuwasunjilila wanhu, ku wulawa ku wulanga, ho yawone hono ho yuli yunji we mahala, hono ho yuli munhu mono yakumulondola Mulungu.

³ Wose wapatuka, wose watipiye, hasina mono ketumaga ziswanu, hasina hamba monga.

⁴ Alu Mulungu nayo yakutya, “Mwene wawo wono wakwituma makani wubi, alo wasina wizuce lo? Wono wakuwahiziza wanhu wangu, hamba si wakuhemba ane yaye.”

⁵ Baho 'lu langa, wocicima ko woga, hambi u Muwaha Mulungu, nha yali hamonga na wose wono wali ling'ani.

⁶ I wanhu wabi, wahodangaga, wuhile wo munhu muciwa, ninga Muwaha Mulungu, wo wutizizo wakwe.

⁷ Yali yiwe ciba le, hono mhonelo ya Isilayeli yilawe ku Sayuni! Wolowa wusangalale wuwaha kuli Isilayeli, kolo Muwaha Mulungu yakuwagomolela wumoteswe wawo kanyhi, i wanhu wa Yakobo wosangalala, wanhu wa Isilayeli wowona nyemo.