Zabuli 137 - Luganuzi Luswanu Kuli Wanhu Wose 2002

Cililo ce Waisilayeli ku yisi yo wujenzi

¹ Cikekala mu zi nyenje ze makolongo ga Babiloni, cikawa kulila, lono cali cayikumbucila Sayuni.

² Sunga cikagatumbika ne masumbi getu, mu mibici ya mu yisi yiyo.

³ Kuko nawo wono waciteka, wakawa kusaka ciwembile, wawo wono wacigazaga, wakasaka ciwasangalaze, wakutya, “Mucimbile ta, lwimbo lwa Sayuni!”

⁴ Alu mwene, ho cokwimba nhawule lwimbo, lo kumukumya Muwaha Mulungu, akuno ho cili mu yisi yo wujenzi?

⁵ Gwe go Yelusalemi, hono mbeka ane nghusemwe, ciba le hodu, ndece hamba kutowa ne lisumbi kanyhi!

⁶ Hono ndece kukukumbucila gwegwe go Yelusalemi, na hono ndece kukwihwesa agwe go nyemo yangu.

⁷ Gwe go Muwaha Mulungu, wulece kuzisemwa yaye zono wazituma Waedomu, lono Yelusalemi yasolelwa ne walugu, wukumbucile vyono watya, “Yimwagulenyi Yelusalemi! Sunga ne mabwe go musinji gose!”

⁸ Nagwe go Babiloni kokongomezwa. Kanyhi yo mumoti munhu mono kokulipiciza, nha vyono wacitendela 'se!

⁹ Mono kowasola wanago, no kuwapondanjizanga mwi'talawe!