Zabuli 133 - Luganuzi Luswanu Kuli Wanhu Wose 2002

Lukumyo kuli wendo wo wundugu

¹ Lanje ta vyono yo nghani swanu muno, kanyhi yono yikwendeza, hono we zindugu wawe wekalane hamonga ko wumonga.

² Wakuwa wehwanile mafuta go wuguzi wukamu, gono gakuhuluma mu mutwe na mu ndevu za Haluni, gakuhulumila sunga mo mu singo, mu vivwalo vyakwe vyo wukohani.

³ Gakwihwana buhe ya mwi'tunda lya Helimoni, yono yigwizaga mu matunda ga Sayuni. Baho ho hanhu hono Muwaha Mulungu, yehehuwiziziza u wulugute wakwe. Heya, wumi we cibitilila.